"ވުމަން" ގެ ފުރަތަމަ މަޖައްލާ ނެރެފި
މި މަޖައްލާ ނެރެދެއްވީ ވެމްކޯގެ މުވައްޒަފެއް
ވުމަން ބައި ޓޯކްއެމްގެ މަޖައްލާ ނެރުން
ކަނބަލުންނާ ގުޅުންހުރި އެކިއެކި ދާއިރާތަކުން ދިރާސާކޮށްގެން މަޢުލޫމާތު ގެނެސްދިނުމަށް ޚާއްޞަކޮށް"ވުމަން" ގެނަމުގައި މަޖައްލާއެއް ނެރެފިއެވެ.
"ވުމަން ބައި ޓޯކްއެމް" ގެ ފުރަތަމަ މަޖައްލާ އިފްތިތާހު ކޮށްފައިވަނީ ރަސްފަންނުގައި ހުންނަ ޕެވިލިއަންގައި ބުރާސްފަތި ދުވަހު ބޭއްވި ޚާއްސަ ރަސްމިއްޔާތެއްގައެވެ.
މި މަޖައްލާ ނެރެދެއްވީ މާލޭގެ މަގުތައް ސާފުކުރުމުގެ މަސައްކަތުގައި ޙަރަކާތްތެރިވާ ވެމްކޯގެ މުވައްޒަފެއް ކަމަށްވާ ނުޒުހަތު މުޙައްމަދެވެ.
"ވުމަން ބައި ޓޯކްއެމް" ގެ މަޖައްލާ އިފްތިތާހްކުރުމުގެ ރަސްމިއްޔާތުގައި ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދު ވެސް ވަނީ ބައިވެރިވެވަޑައިގެންފައެވެ.
މި ރަސްމިއްޔާތުގައި 'ވުމަން ބައި ޓޯކްއެމް' މަޖައްލާގެ ކޮޕީއެއް ރައީސުލްޖުމްހޫރިއްޔާގެ އަނބިކަނބަލުންނަށް ވަނީ އަރުވާފައެވެ.
މި މަޖައްލާގައި 4 ކަނބަލަކު ކުރާ މަސައްކަތްތަކާއި އެމީހުންގެ ވާހަކަތައް ވަނީ ހިމަނާފައެވެ.
"ވުމަން ބައި ޓޯކްއެމް" މަޖައްލާއަކީ ކޮންމެ ތިންމަހަކުން އެއްފަހަރު ނެރުމަށް ހަމަޖެހިފައިވާ މަޖައްލާއެކެވެ.
