އިރާގާއި ސީރިއާ އާއި ދެމެދު އޮންނަ ބޯޑަރު ހުޅުވައިފި
1 އޮކްޓޯބަރު 2019 | އަންގާރަ 03:44ބޯޑަރު ހުޅުވާފައި ވަނީ ހޯމަ ދުވަހު
ބޯޑަރު ހުޅުވާފައި މިވަނީ ހަތް އަހަރު ފަހުން
އިރާގާއި ސީރިއާ އާއި ދެމެދު އޮންނަ ބޯޑަރު ހުޅުވައިފިއެވެ.
ސީރިއާގެ ދާހިލީ ހަނގުރާމާ އާއި ދައޭޝް އާއި ދެކޮޅަށް ކުރި ހަނގުރާމައަށް ފަހު ބަންދު ކުރި މި ބޯޑަރު ހުޅުވާފައި ވަނީ ހަތް އަހަރު ފަހުންނެވެ.
ބޯޑަރު ހުޅުވުމުގެ ގޮތުން، ސީރިއާގެ އިންޓީރިއަރ މިނިސްޓަރ މުހައްމަދު ޚާލިދު ވަނީ ސީރިއާގެ ފައުޖަކާއި އެކު ބޯޑަރު ހުރަސްކޮށް އިރާގަށް ގޮސްފައެވެ.
އީރާގުގެ ގައިމް އާއި ސީރިއާގެ ބޫކަމަލް އާއި ދެމެދު އޮންނަ މި ބޯޑަރު ހޯމަ ދުވަހު ހުޅުވުމާއި ގުޅިގެން ދެ ގައުމުގެ ދެމެދުގެ ދެމެދުގައި ވިޔަފާރީގެ ގުޅުން ވަރުގަދަވެގެން ދާނެ ކަމަށް ލަފާކުރެވެއެވެ.
ބޯޑަރު ހުޅުވުމުގެ ސަބަބުން، މެދުއިރުމަތީގެ އަރަބި ގައުމުތަކުގައި އިރާނުގެ ނުފޫޒު އިތުރަށް ވަރުގަދަ ކުރުމުގެ ފުރުސަތު ލިބިގެން ދާނެ ކަމަށް ބައެއް ފަރާތްތަކުން ވަނީ ކަންބޮޑުވުން ފާޅުކޮށްފައެވެ. އެ ފަރާތްތަކުން ކަންބޮޑުވުން ފާޅުކޮށްފައިވަނީ، އިރާނުގެ ތާއީދު އޮންނަ އިރާގުގެ ހަނގުރާމަވެރި ޖަމާއަތްތަކަށް ސީރީއާއަށް ވަނުމަށް ފަސޭހަވެގެން ދާނެކަމަށް ބުނެއެވެ.
