ދީނަށް ފުރައްސާރަ ކުރާ ޕޭޖެއް ބްލޮކްކުރަން ފުލުހުން އެދިއްޖެ
26 ސެޕްޓެމްބަރު 2019 | ބުރާސްފަތި 01:55މިޕޭޖަށް 3500 އަށްވުރެ ގިނަ މީހުން ވަނީ ލައިކް ދީފައި
އަމްނާ އިމާދު | 26 ސެޕްޓެމްބަރު 2019 | ބުރާސްފަތި 01:55
ފުލުހުންގެ އޮޕަރޭޝަންގެ ތެރެއިން
ދީނަށް ފުރައްސާރަ ކުރާ ޕޭޖެއް ބްލޮކްކުރަން ފުލުހުން ފޭސްބުކްގައި އެދިއްޖެއެވެ.
ފުލުހުން އެދިފައިވަނީ 'ދިވެހި އެތިސްޓްސް' ނަމުގައި ހަދާފައިވާ ޕޭޖެއް ބްލޮކް ކުރުމަށެވެ. އެއީ އެ ޕޭޖުގައި އިސްލާމް ދީނާއި ދީނުގެ އަސްލުތަކާއި ހިލާފު ގިނަ ވާހަތައް ފަތުރައި، ދީނަށް ޖޯކު ޖަހާފައިވާ ގިނަ ޕޯސްޓްތައް ޝެއަރ ކުރަމުންދާތީއެވެ.
ދިވެހި އެތިސްޓްސް ޕޭޖަށް 3500 އަށްވުރެ ގިނަ މީހުން ވަނީ ލައިކް ދީފައެވެ.
ފުލުހުން ދިވެހި އެތިސްޓްސް ޕޭޖް ބްލޮކްކުރުމަށް އެދިފައިވާއިރު ފުލުހުންގެ އެދުމުގެ މަތިން އިސްލާމް ދީނަށް ފުރައްސާރަ ކުރި 'ޖުހާ' ނަމަކަށް ކިޔާ ޕޭޖެއް ބުދަ ދުވަހުގެ ރޭ ފޭސްބުކް އިން ވަނީ ބްލޮކްކޮށްފައެވެ.
