ރިކް އެންޑް މޯޓީގެ ޕްރޮޑިއުސަރު މަރުވެއްޖެ
މަރުވީ އުމުރުން 54 އަހަރުގައި
މައިކަލް މެންޑެލް
މަޝްހޫރު ކާޓުންތައް ކަމަށްވާ ''ދަ ސިމްޕްސަންސް'' އަދި ''ރިކް އެންޑް މޯޓީ'' ގެ ޕްރޮޑިއުސަރު މައިކަލް މެންޑެލް އުމުރުން 54 އަހަރުގައި މަރުވެއްޖެއެވެ.
މައިކަލް މަރުވިކަން ކަަށަވަރު ކޮށްދީފައި ވަނީ ރިކް އެންޑް މޯޓީ ގެނެސްދޭ އެޑަލްޓް ސްވިމް ޗެނަލުންނެވެ. އެ ޗެނަލުގެ އޮފިޝަލް ޓްވިޓާ އެކައުންޓުން ކޮށްފައިވާ ޓްވީޓެއްގައި ބުނީ، މައިކަލް އަކީ އެތައް އާޓިސްޓުން ތަކަކަށް އެކި ގޮތް ގޮތުން އެހީތެރިވެފައިވާ މީހެއް ކަމަށާއި، އޭނާ ނެތުމުން އެކަމާއި މެދު ފުންކޮށް ހިތާމަ ކުރާ ކަމަށެވެ.
މެންޑެލްގެ އަންހެނުން ބުނީ، އޭނާ މަރުވެފައިވަނީ ގުދުރަތީ މަރަކުން ކަމަށެވެ.
ރިކް އެންޑް މޯޓީގެ ވޮއިސް އެކްޓަރު ޖަސްޓިން ބުނީ، މެންޑެލް މަރުވި ހަބަރުން ލިބުމުން އެކަމާއި ހިތާމަކުރާ ކަމަށެވެ.
މެންޑެލް ވަނީ ރިކް އެންޑް މޯޓީ އަދި ސިމްޕްސަން އިން ހަަތަރު އެމީ އެވޯޑް ހޯދާފައެވެ. ރިކް އެންޑް މޯޓީ އަކީ ބޮޑެތި މީހުންނަށް ހާއްސަ ކާޓޫނެކެވެ. އެ ކާޓޫނުގެ ދައްކުވައިދޭނީ، ޖެރީ އަދި ބެތްގެ ދެ ދަރިން ކަމަށްވާ ސަމަރ އާއި މޯޓީ އަދި އެމީހުންގެ ގޭގައި މެހެމާނެއްގެ ގޮތުގައި އުޅޭ ރިކީ ސަންޒޭޗްގެ ވާހަކައެވެ.
އެ ކާޓޫނުގައި ރިކްއާ މޯޓީ އެކި ޕްލެނެޓްތަކަށް ދަތުރުކުރެއެވެ.
