ޕާކިސްތާނަށް 5.8 މެގްނިޓިއުޑްގެ ބިންހެލުމެއް
24 ސެޕްޓެމްބަރު 2019 | އަންގާރަ 15:02ބިންހެލުމުގެ އަސަރު އެންމެ ބޮޑަށް ކޮށްފައި ވަނީ މިރްފޫރް އަށް
މި ބިންހެލުމުގައި 7 މީހަކު ވަނީ މަރުވެފައި
ޕާކިސްތާނަށް 5.8 މެގްނިޓިއުޑްގެ ބާރު ގަދަ ބިން ހެލުމެއް އަތުވެއްޖެ އެވެ.
ޕާކިސްތާނުގެ ކަޝްމީރަށާއި ޕަންޖާބު ޕްރޮވިންސްތަކަށް އައި މި ބިންހެލުމުގައި ހަތް މީހަކު ވަނީ މަރުވެފައެވެ. ބިން ހެލުމުގެ އަސަރު ކުރި ތަންތަނަށް ބޮޑެތި ގެންލުންތަކެއް ލިބިފައިވާއިރު، 100 އަށް ވުރެ ގިނަ މީހުންނަށް ވަނީ އެކި ވަރުގެ އަނިޔާތައް ލިބިފައެވެ.
ޕާކިސްތާންގެ ރިޕޯޓްތައް ބުނާ ގޮތުން އެތައް ބައެއްގެ ގެދޮރަށް ވަނީ ގެއްލުންތަކެއް ލިބިފަ އެވެ. އަދި ހޮސްޕިޓަލްތައް ވަނީ އެމެޖެންސީ ހާލަތަށް ގެނެސްފަ އެވެ.
އެ ގައުމުގެ ޗީފް މީޓިއޮރޮލޮޖިސްޓް މުހައްމަދު ރިއަޒް ބުނީ ބިންހެލުމުގެ އަސަރު އެންމެ ބޮޑަށް ކޮށްފައި ވަނީ މިރްޕޫރް އަށެވެ. އަދި އިދާރާއިން ދަނީ ބިންހެލުމުން ލިބުނު ގެއްލުން ތަހުގީގު ކުރަމުން ކަމުގައި އޭނާ ބުންޏެވެ.
