ފީފާގެ މޮޅު ކުޅުންތެރިޔާގެ އެވޯޑް މެސީއަށް
24 ސެޕްޓެމްބަރު 2019 | އަންގާރަ 12:28މިއީ މި އެވޯޑް މެސީ ކާމިޔާބުކުރި ފުރަތަމަ ފަހަރު
ފީފާގެ ހަފްލާގެ ތެރެއިން
ފީފާއިންދޭ އެންމެ މޮޅު ކުޅުންތެރިޔާގެ އެވޯޑް އާޖެންޓީނާގެ ތަރި ލިއޮނަލް މެސީ ކާމިޔާބުކޮށްފިއެވެ.
މެސީ އަށް މި އެވޯޑް ލިބުނީ ލިވަރޕޫލް އާއިއެކު ޗެމްޕިއަންސް ލީގު ކާމިޔާބުކުރި ވެން ޑައިކްކާއި، ޔުވެންޓަސް އާއިއެކު އިޓާލިއަން ލީގު ކާމިޔާބުކުރި ކްރިސްޓިއާނޯ ރޮނާލްޑޯ އާއި ވާދަކޮށެވެ.
މެސީ ވަނީ ނިމިދިޔަ ސީޒަނުގައި 51 ލަނޑު ކާމިޔާބުކޮށްފައެވެ. އަދި މެސީ ވަނީ ބާސެލޯނާއާއިއެކު ސްޕެނިޝް ލީގު ކާމިޔާބުކޮށް މިދިޔަ ސީޒަނުގެ އެންމެ ގިނަ ލަނޑު ޖެހި ކުޅުންތެރިޔާއަށް ދޭ ރަން ބޫޓުވެސް ކާމިޔާބުކޮށްފައެވެ.
މި ހަފްލާގައި އެންމެ މޮޅު ކޯޗުގެ މަގާމް ލިވަރޕޫލާއި އެކު ޗެމްޕިއަންސް ލީގު ކާމިޔާބުކުރި ކޯޗު ކްލޮޕަށް ލިބިގެންދިޔައިރު އެންމެ މޮޅު ކީޕަރަކަށް ހޮވިގެންދިޔައީ ލިވަރޕޫލްގެ ކީޕަރު އެލިސަންއެވެ.
މިއަހަރުގެ އެންމެ މޮޅު އެގާރަ ކުޅުންތެރިންނަކީ ލިވަރޕޫލްގެ ކީޕަރު އެލިސަން، ޔުވެންޓަސްގެ ޑިފެންޑަރ ޑިލައިޓް، ރެއާލްގެ ޑިފެންޑަރ ރާމޮސް، ލިވަރޕޫލްގެ ޑިފެންޑަރ ވެން ޑައިކް، ރެއާލް މެޑްރިޑްގެ ޑިފެންޑަރ މާސެލޯ، ރެއާލް މެޑްރިޑްގެ މިޑްފިލްޑަރ ލުކާ މޮޑްރިޗް ބާސެލޯނާގެ ޑި ޖޮންގް، ރެއާލް މެޑްރިޑްގެ އެޑިން ހަޒާޑް، ޕީއެސްޖީގެ އެމްބާޕޭގެ އިތުރުން ޔުވެންޓަސްގެ ރޮނާލްޑޯ އަދި ބާސެލޯނާގެ މެސީއެވެ.
މި އެވޯޑް މިދިޔަ އަހަރު ކާމިޔާބުކުރި ކުޅުންތެރިޔަކީ ރެއާލް މެޑްރިޑްގެ ލޫކާ މޮޑްރިޗެވެ. އަދި މި އެވޯޑް އެންމެ ގިނަ ފަހަރު ކާމިޔާބުކޮށްފައިވަނީ ޔުވެންޓަސްގެ ކްރިސްޓިއާނޯ ރޮނާލްޑޯއެވެ.
މިއީ މެސީ ދުނިޔޭގެ އެންމެ މޮޅު ފުޓުބޯޅަ ކުޅުންތެރިޔާއަށްދޭ އެވޯޑް ކާމިޔާބުކުރި ހަވަނަ ފަހަރެވެ.
