ބޯކޮށް ވާރޭ ވެހުމާއި ގުޅިގެން ނ އަތޮޅުން ލ އަތޮޅަށް ޔެލޯ އެލާޓް ނެރެފިއެވެ. ޔެލޯ އެލާޓް ނެރެފައިވަނީ ހޮނިހިރު ދުވަހުގެ 11:00 ން 15:30 އަށެވެ.
ގުގުރުމާއެކު ބޯކޮށް ވާރޭ ވެހޭނެ ކަމަށް މެޓް އޮފީހުން ވަނީ ލަފާކޮށްފައެވެ.
މިހާރު ކުރަމުން ދާ ވިއްސާރައިގެ ތެރެއިން ނ އަތޮޅުން ލ އަތޮޅަށް ޔެލޯ އެލާޓު ނެރެފައިވާއިރު ނ އަތޮޅުން މ އަތޮޅަށް ވަނީ ވައިޓް އެލާޓެއް ނެރެފައެވެ. މި އެލާޓް ނެރެފައިވަނީ ހޮނިހިރު ދުވަހުގެ 09:30 ން 15:30 އަށެވެ.
މޫސުމާއި ބެހޭ ޤައުމީ އިދާރާ އިން ވަނީ ހއ. އަތޮޅުން މ. އަތޮޅަށް ވައިޓް އެލާރޓް ނެރެފައެވެ. އެގޮތުން ވައިޓް އެލާރޓް ނެރެފައިވަނީ މެންދަމު 03:00 އަކުން ހެނދުނު 08:00 އަށެވެ.
މާލެއަށް ބޯކޮށް ވާރެ ވެހި، މަގުތަކުގައި ފެން ބޮޑުވެގެން އެމްއެންޑީއެފްގެ ފަޔަރ އެންޑް ރެސްކިއުގެ ސިފައިން ފެން ހިއްކުމުގެ މަސައްކަތް ދަނީ ކުރަމުންނެވެ.
