ޝައުނާގެ ކަށުނަމާދު މިއަދު މެންދުރު ނަމާދަށްފަހު
ޝައުނާގެ ހަށިގަނޑު ފެނިފައިވަނީ ދިރިއުޅޭގޭގެ ތެރެއިން
ޝައުނާގެ ހަށިގަނޑު އެމްބިއުލެންސްއަށް އަރުވަނީ
ހުކުރު ދުވަހުގެރޭ ހިނގި އަލިފާނުގެ ހާދިސާގައި ނިޔާވި އައިޝަތު ޝައުނާގެ ކަށުނަމާދު މެންދުރު ނަމާދަށްފަހު ބޭއްވުމަށް ހަމަޖެހިއްޖެއެވެ.
ޝައުނާ ގެއްލިގެން އެމްއެންޑީއެފަށް ރިޕޯޓު ލިބުމާއެކު ޝައުނާ ހޯދުމުގެ މަސައްކަތް ކުރަން ފެށި އެވެ. ނަމަވެސް ތ. ބުރުނިއަށް ނިސްބަތްވާ 49 އަހަރުގެ ޝައުނާގެ ހަށިގަނޑު ފެނިފައިވަނީ ވަރަށް ބޮޑަށް ފިހިފައިވަނިކޮށް އޭނާ ދިރިއުޅޭ އެޕާޓްމެންޓުގެ ތެރެއިންނެވެ.
އެ ހަށިގަނޑު ފިހިފައިވުމުގެ ސަބަބުން އެއީކާކުކަންވެސް ވަކިނުވާކަމަށް އެމްއެންޑީއެފުން މައުލޫމާތުދެއެވެ. މައުލޫމާތު ލިބިފައިވާ ގޮތުން ޝައުނާގެ ހަށިގަނޑުގެ 60 އިންސައްތަ ވަނީ އެއްކޮށް ފިހިފަ އެވެ.
ޝައުނާގެ ކަށުނަމާދު ކުރުމަށް ހޮނިހިރު ދުވަހު ބޭއްވުމަށް ހަމަޖެހިފައިވާއިރު އޭނާގެ މޫނު ދެއްކުމަށް ހަމަޖެހިފައިވަނީ ހަމައެކަނި އާއިލާގެ މެމްބަރުންނަށެވެ.
ހުކުރު ދުވަހުގެރޭ ހިނގި އަލިފާނުގެ ހާދިސާގައި ހަމައެކަނި ނިޔާވީ ޝައުނާ އެވެ. އެ ހާދިސާގައި އެހެން މީހުން ވަނީ ސަލާމަތްކުރެވިފަ އެވެ.
