ރާއްޖެ
އަލިފާނުގެ ހާދިސާ
ގެއްލިގެން ހޯދަމުން ދިޔަ ޝައުނާ ނިޔާވެފައި އޮތްވާ ފެނިއްޖެ
އޭނާގެ އުމުރަކީ 49
އަމްނާ އިމާދު, ރާއްޖެ އެމްވީ | 20 ސެޕްޓެމްބަރު 2019 | ހުކުރު 19:12
އައިޝަތު ޝައުނާ
އަލިފާނުގެ ހާދިސާއާ ގުޅިގެން ގެއްލުނު އަންހެން މީހާ ނިޔާވެފައި އޮތްވާ ފެނިއްޖެއެވެ.
ފުލުހުން ބުނީ މަރުވެފައި އޮއްވާ ފެނުނީ ތ. ބުރުނި 49 އަހަރުގެ އައިޝަތު ޝައުނާއެވެ.
މައުލޫމާތު ލިބޭ ގޮތުގައި އޭނާ މަރުވެފައި އޮއްވާ ފެނުނީ ދިރިއުޅޭ އިމާރާތުގެ އެތެރެއިންނެވެ. ފެނުނު އިރު އޭނާގެ ހަށިގަނޑު ވަރަށް ބޮޑަށް ފިހިފައިވާ ކަމަށް މައުލޫމާތު ލިބިފައިވެއެވެ.
ހެންވޭރު އަބަދަށްފެހި މަގުގައި ހުރި ގެތަކުގައި ރޯވި އަލިފާންގަނޑުގެ ހާދިސާގައި ދުމުގެ އަސަރުކޮށްގެން 50 އަށް ވުރެ ގިނަ މީހުންނަށް އައިޖީއެމްއެޗުން ވަނީ ފަރުވާ ދީފައެވެ.
