ކްރޮސްރޯޑްސް މޯލްޑިވްސް ރަސްމީކޮށް ހުޅުވައިފި
19 ސެޕްޓެމްބަރު 2019 | ބުރާސްފަތި 19:17ރަސްމިއްޔާތު ޝަރަފުވެރިކޮށްދެއްވީ ނައިބް ރައީސް
ކްރޮސްރޯޑްސް މޯލްޑިވްސް ރަސްމީކޮށް ހުޅުވުމުގެ ރަސްމިއްޔާތުގެ ތެރެއިން
ކްރޮސްރޯޑްސް މޯލްޑިވްސް ރަސްމީކޮށް ހުޅުވައިފި އެވެ.
ކްރޮސްރޯޑްސް މޯލްޑިވްސް ރަސްމީކޮށް ހުޅުވުމުގެ ރަސްމިއްޔާތު ޝަރަފުވެރިކޮށްދެއްވީ ނައިބް ރައީސް ފައިސަލް ނަސީމެވެ.
ކުރޮސް ރޯޑް މޯލްޑިވްސް އަކީ ގިނަ ރަށްތަކެއްގެ މައްޗަށް އެކުލެވޭގޮތަށް އެނބޫދޫ ފަޅުގައި ތަރައްޤީކޮށްފައިވާ މަތީ ފެންވަރުގެ ޚިދުމަތްތައް ފޯރުކޮށްދޭ ތަނެކެވެ. ޖުމްލަ ނުވަ ރަށް ހިމެނޭ މަޝްރޫއުގެ ފޭސް ވަންގައި ހިމެނޭ ދެ ރިސޯޓް ކަމަށްވާ "ހާޑް ރޮކް ހޮޓެލް" އާއި "ހިލްޓަންގެ ސައި މޯލްޑިވްސް ލެގޫން" ހުޅުވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.
"ހާޑް ރޮކް"ގައި 178 ކޮޓަރި ތަރައްގީ ކޮށްފައިވާއިރު ހިލްޓަންގެ "ސައި ލެގޫން"ގައި ވަނީ 198 ކޮޓަރި ތަރައްގީކޮށްފައެވެ.
މާލެ އާއި ކްރޮސްރޯޑްސްއާ ދެމެދު ހާއްސަ ފެރީތައް ހަމަޖެހިފައިވާއިރު ޓިކެޓުގެ އަގަކީ ކޮޅަކަށް 80 ރުފިޔާއެވެ. ފެރީ ދަތުރު ކުރަން ހަމަޖެހިފައިވަނީ ކޮންމެ ދުހެއްގެ ހެނދުނު 10:00 އިން ރޭގަނޑު 12:00 ދެމެދެވެ.
މި ދެ ރިސޯޓްގެ އިތުރުން އޭގެއިތުރުން، ދިވެހިން ޕިކްނިކަށް ދާނެ ސަރައްހައްދަކާއި "ދަ މެރީނާ" ގެ ނަމުން ނަން ދެވިފައިވާ އެންޓަޓެއިންމަންޓް އެންޑް ލެޝަރ ސަރަހައްދެއް ވެސް ހިމެނެއެވެ. އެންބޫދޫ ފަޅަކީ ހަތް ކިލޯމީޓަރުގެ ދިގު ފަޅެކެވެ.
މި މަޝްރޫއުއަށް 700 މިލިއަން ޑޮލަރު ހަރަދުވާނެ ކަމަށް ވަނީ ލަފާކޮށްފައެވެ. ފުރަތަމަ ފިޔަވަހި ނިންމުމަށް 33 މަސް ދުވަސް ހޭދަވިއެވެ. ކްރޮސްރޯޑްސްގެ ހުރިހާ ރަށެއް ނިމޭ އިރު އެތަނުގައި 1300 ޓޫރިސްޓް އެނދު ހުންނާނެ އެވެ.
