ކ. މާލެ
|
19 ސެޕްޓެންބަރ 2019 | ބުރާސްފަތި 15:18
ސީރިޔާ ގައި ހަރަކާތްތެރިވާ ދިވެއްސެއް
ސީރިޔާ ގައި ހަރަކާތްތެރިވާ ދިވެއްސެއް
ޓްވިޓަރ
ސީރިޔާ
ސީރިޔާގައި ތިބި ދިވެހިން އެހެން ގައުމަކަށް ބަދަލުކުރަނީ
 
މީހުން ބައިތިއްބަން ވަގުތީ ތަނެއް ހެދުމުގެ މަސައްކަތް ދަނީ ކުރިޔަށް
 
ދެ ގައުމަކާއި އެކު މަޝްވަރާ ކުރަމުންދާ ކަމަށް ވިދާޅުވި

ސީރިޔާގެ ދާހިލީ ހަނގުރާމަ އަށް ގޮސް ހާލުގައި ޖެހިފައިވާ ދިވެހިން އެހެން ގައުމެއްގައި ކޭމްޕް ކުރުމުގެ އިންތިޒާމް ހަމަޖެއްސުމުގެ މަސައްކަތް ސަރުކާރުން ކުރަމުންދާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.

ބުރާސްފަތި ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބުދެއްވަމުން ރައީސް ސޯލިހު ވިދާޅުވީ، ސީރިއާގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވާ މީހުން ގެނައުމުގެ މަސައްކަތް ކުރަމުންދާ ކަމަށެވެ. އެގޮތުން މި މަހުގެ ފަހު ހަފްތާގައި އެމީހުން ރާއްޖެ ގެނައުމުގެ މަސައްކަތް ކުރުމަށް ދެ ގައުމަކާއި މަޝްވަރާ ކުރެވެމުންދާ ކަމަށާއި، އެމީހުން ރާއްޖެ ގެނެސް އެމީހުން ބައިތިއްބާނެ ވަގުތީ ތަން ދެ މަސް ދުވަހުގެ ތެރޭގައި ނިމޭނެ ކަމަށް އެމަނިކުފާނު ވިދާޅުވިއެވެ.

އޭގެ ކުރިން ސީރިޔާގައި ކޭމްޕްގައި ތިބި މީހުން އެތަނުން ނެރެ އެހެން ގައުމަކަށް ގެންގޮސް ރާއްޖޭގައި މި ސެޓްއަޕް ހަދާ ނިމުނީމަ. އަޅުގަނޑުމެން މިކޮޅަށް ގެނައުމުގެ މަސައްކަތް ކުރާނަން
އިބްރާހިމް މުހައްމަދު ސޯލިހު ~ ރައީސުލްޖުމްހޫރިއްޔާ~

ނެޝަނަލް ކައުންޓަރ ޓެރަރިޒަމް ސެންޓަރު (އެންސީޓީސީ) މައުލޫމާތު ދީފައިވާ ގޮތުން ސީރިއާގެ ކޭމްޕްތަކުގައި އަންހެނުންނާއި ކުޑަކުދިން ހިމެނޭ ގޮތަށް 54 މީހުން އެތާނގައި ދިރިއުޅެމުންދެއެވެ. އިތުބާރު ހުރި މަސްދަރަކުން އެނގިފައިވާ ގޮތުން އެތަނުގައި ގިނަ ދިވެހިން ތިބެނީ ސީރިއަން ޑިމޮކްރެޓިކް ފްރޮންޓްގެ އަތްދަށުގައި އޮންނަ ހައުލް ރެފިއުޖީ ކޭމްޕުގައެވެ.

މީގެ ކުރިން ސީރީޔާގައި ތިބި ދިވެހިން ގެނައުމުގެ ވާހަކަ ތިލަވުމާ އެކު ސޯޝަލް މީޑިއާގައި ވަނީ އެކަމާ ބެހޭ ގޮތުން ބަހުސް ފަށާފައެވެ. ގިނަ ބަޔަކު ބުނަނީ އެ މީހުން ރާއްޖެ ގެނެސްގެން ނުވާނެ ކަމަށާއި އެ މީހުންގެ ފަރާތުން ރާއްޖެ އަށް ނުރައްކާ އެބަ އޮތް ކަމަށެވެ. އަދި އޭގެ ތެރޭގައި ރޭވުމެއްގެ ދަށުން ރާއްޖެ އައިސް ހަމަލާތަކެއް ދިނުމަކީ ވެސް އެކަށީގެންވާ ކަމެއް ކަމެއް ކަމަށް އޭރު ބައެއް ފަރާތްތަކުން ވަނީ ބުނެއެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ސިމާހާ ނަސީމް
4%
13%
4%
76%
2%
1%
ކޮމެންޓް
19 ސެޕްޓެންބަރ 2019 | ބުރާސްފަތި 23:08
އިންސާނާ
ދިވެހިސަރުކާރުން ހަނގުރާމަޔައްފޮނުވި ބަޔަކު ހާލުގަޖެހިފަތިބިއްޔާ އެބަޔަކު ރާއްޖެ ގެނައުން ގޯހަކައްވާނެހެނެއް ހީނުވޭ އަނެއްކޮޅުން ށޯޓު ކަޓެއްގަ ސުއަރުގެއައްދާން ދިޔަ ބަޔަކު އެތަނައް ނުދެވުނުކަމައް އުމްމީދު ކަނޑާލާފަ ދުރުމަގެއް އިހްތިޔާރުކުރުން ރަނގަޅެއްވެސްނޫން
19 ސެޕްޓެންބަރ 2019 | ބުރާސްފަތި 16:00
ރޭވުން
އެމީހުން އެ ގައުމުގާ ބަލިވީމަ އެހެން ގައުމުތަކަށް ގޮސް އަނެއްކާ އެތަންތާ އަތް ގަދަ ކުރާތަން އެބަ ފެނޭ. އެމީހުން އައިސް މިތާ ވެސް ފަށާނީ ފުރަތަމަ މީހުން ރެކްރޫޓު ކުރަން. މިވާހަކަ ދައްކާ މީހުން ގޯސް ވާނީ
ގުޅުންހުރި
ޣައްޒާގެ ޚަބަރުތައް ތިލަކޮށްދިނުމުގެ އެންމެ ކުރީގައި ކުޑަކުޑަ ސުމައްޔާ: އެވޯޑް ޙައްޤު ނޫސްވެރިންނަކީ އެއީއެއް ނޫންތަ؟
މަޖިލީހުގެ މެންބަރުންގެ އަދަދު ކަނޑައެޅުމަށާއި، މެންބަރުން އިންތިހާބު ކުރާ ގޮތް ބަދަލުކުރުމަށް ގާނޫނުއަސާސީއަށް އިސްލާހުތަކެއް
މަޖިލިސް އިންތިޚާބާ ގުޅިގެން އެޕްރީލް 21 އަދި 22 އަކީ، ސަރުކާރު ބަންދު ދެ ދުވަހުގެ ގޮތުގައި ރައީސް ހަމަޖައްސަވައިފި
13 އަހަރުގެ ކުއްޖާ ރަހީނުކޮށް މަރާލި މައްސަލައިގައި ދައުވާ އުފުލި ކުޑަކުއްޖާގެ މައްޗަށް ކުށް ސާބިތުވެއްޖެ
އިސްރާއީލްގެ ހަމަލާއެއްގައި ޣައްޒާގެ ފުލުހުންގެ އޮޕަރޭޝަންތަކުގެ އިސްވެރިޔާ ޝަހީދުކޮށްލައިފި
ދިރާސީ އައު އަހަރު ބަދަލުކުރީ ފިސްކަލް އައު އަހަރާއި އެލައިންކޮށް އެއްގޮތްކުރުމަށް - މިނިސްޓަރު
ބެޑްމިންޓަން އެސޯސިއޭޝަނާ ގުޅޭ ކޮރަޕްޝަންގެ ތުހުމަތުތަކެއް އޭސީސީން ތަހުގީގުކުރަނީ
"ވ.ކެޔޮދޫ ސްކޫލްގެ 4 ބުރީގެ އިމާރާތުގެ މަސައްކަތުގެ އެއްބަސްވުމުގައި ސޮއިކުރާތާ 400އެއްހާ ދުވަހުގެތެރޭގައި އެ މަސައްކަތް ނިމޭނެ"