ގަވަރުނަރު ކަމަށް ހާޝިމް އައްޔަން ކުރަައްވައިފި
8 ސެޕްޓެމްބަރު 2019 | އާދީއްތަ 13:00މަޖިލީހުން ރުހުން ދީފައިވަނީ ބުރާސްފަތި ދުވަހު
ހާޝިމް އަށް މަގާމުގެ ފަތްކޮޅު ހަވާލުކުރުމުގެ ރަސްމިއްޔާތުގެ ތެރެއިން
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރނަރ ކަމުގެ މަޤާމަށް އަލީ ޙާޝިމް އައްޔަން ކުރައްވައިފިއެވެ.
ހާޝިމް އެ މަގާމަށް އައްޔަން ކޮށްފައިވަނީ އާދިއްތަ ދުވަހު ރައީސް އޮފީހުގައި ބޭއްވި ރަސްމިއްޔާތެއްގައެވެ. ގަވަރުނަރު ކަމަށް ހާޝިމް އައްޔަން ކުރުމަށް ރައްޔިތުންގެ މަޖިލީހުން ރުހުން ދީފައިވަނީ މިދިޔަ ހަފްތާގެ ބުރާސްފަތި ދުވަހުއެވެ.
އަލީ ހާޝިމް އަކީ އެމްޑީޕީ ސަރުކާރުގެ ފިނޭންސް މިނިސްޓަރ ކަން ކުރެއްވި ބޭފުޅެކެެވެ. 2008 ވަނަ އަހަރުން 2010 ވަނަ އަހަރަށް ރާއްޖޭގެ ފިނޭންސް މިނިސްޓަރުގެ މަގާމު އަަދާކުރައްވާފައިވާ އަލީ ހާޝިމްގެ ނަންފުޅު ރައީސުލްޖުމްހޫރިއްޔާ މަޖިލީހަށް ފޮނުއްވާފައިވަނީ އޮގަސްޓް މަހުގެ 28 ވަނަ ދުވަހުއެވެ.
އެމްއެމްއޭގެ ގަވަރުނަރުގެ މަގާމުގައި ކުރިން ހުންނެވި އަހުމަދު ނަސީރު ވަނީ މިދިޔަ ޖުލައި މަހު މަގާމުން އިސްތިއުފާ ދެއްވާފައެވެ
