ކާށިދޫ ކަނޑުގައި ދިޔަވަމުންދިޔަ ލޯންޗެއް ރައްކާތެރިކަމާއެކު ކާށިދޫއަށް ގެންގޮސްފި
7 ސެޕްޓެމްބަރު 2019 | ހޮނިހިރު 13:43ލޯންޗް ދަތުރު ކުރަމުން ދިޔައީ ކާށިދޫގެ އުތުރުން ހަތް ނޯޓިކަލް މޭލު ބޭރުން
ލޯންޗް ދިޔަވާކަމުގެ މައުލޫމާތު އެމްއެންޑީއެފް އަށް ލިބިފައިވަނީ ހޮނިހިރު ދުވަހު ހަވީރު 5:30 ހާއިރު
ކާށިދޫ ކަނޑުގައި ދިޔަވަމުން ދިޔަ ލޯނޗެއް އެމްއެންޑީއެފް އިން ރައްކާތެރިކަމާއެކު ކާށިދޫއަށް ވައްދައިފިއެވެ.
އެމްއެންޑީއެފް އިން ބުނީ ދިޔަ ވަމުން ދިޔަ ލޯންޗް ސީ އެންބިއުލައިންސާ އެކު ރައްކަތެރިކޮށް ކާށިދޫއަށް ގެންގޮސްފައިވާ ކަމަށެވެ.
މި ލޯންޗް ދިޔަވާކަމުގެ މައުލޫމާތު އެމްއެންޑީއެފް އަށް ލިބިފައިވަނީ ހޮނިހިރު ދުވަހު ހަވީރު 5:30 ހާއިރު ކަމަށް އެމްއެންޑީއެފް އިން ބުންޏެވެ. އެމްއެންޑީއެފް އިން އިތުރަށް މައުލޫމާތު ދޭގޮތުގައި ލޯންޗް ދަތުރުކުރަމުން ދިޔައީ ޅ. ހިންނަވަރުން ފުރައިގެން މާލެ އަށެވެ. ލޯންޗްގައި 20 މީހުން ތިބި ކަމަށް އެމްއެންޑީއެފް އިން މައުލޫމާތުދެއެވެ.
"ކޮމްޕަސް" ނަމަކަށް ކިޔާ މި ލޯންޗް ދަތުރުކުރަމުން ދިޔައީ ކާށިދޫގެ އުތުރުން ހަތް ނޯޓިކަލް މޭލު ބޭރުންނެވެ.
