މަސްވެރިންގެ ޕާކް ސަރަހައްދުގައި އޮތް ލޯންޗެއްގައި އަލިފާން ރޯވެއްޖެ
2 ޖުލައި 2017 | އާދީއްތަ 09:12މަސްވެރިންގެ ޕާކް ސަރަހައްދުގައި އޮތް ލޯންޗެއް
ރޯވެފައިވާ ލޯންޗު-
މަސްވެރިންގެ ޕާކް ސަރަހައްދުގައި އޮތް ލޯންޗެއްގައި އަލިފާން ރޯވެއްޖެ އެވެ.
އެމްއެންޑީއެފް އިން ބުނީ މަސްވެރިންގެ ޕާކް ސަރަހައްދުގައި އޮތް ލޯންޗެއްގައި އަލިފާން ރޯވި ހާދިސާ ރިޕޯޓް ކޮށްފައިވަނީ މެންދުރު 2:15 ގަ އެވެ. އަލިފާންގަނޑު ކޮންޓްރޯލް ކުރެވުނީ ގާތްގަނޑަކަށް 30 މިނެޓް ފަހުންނެވެ.
އަލިފާން ރޯވީ ބޭންކް އޮފް ސިލޯނާ ދިމާލުން މާލޭ ފަޅުތެރޭގައި އަޅާފައި އޮތް އައުޓްބޯޑް ލޯންޗެކެވެ. އެ ލޯންޗަކީ މަކުނުދޫ އައިލެންޑް ރިސޯޓުގެ ލޯންޗެކެވެ.
މައުލޫމާތު ލިބޭ ގޮތުގައި ލޯންޗުގައި އަލިފާން ރޯވި ވަގުތު ލޯންޗުގައި ތިބި ހަތަރު މީހުންނަށް ވެސް ވަނީ އަނިޔާވެފަ އެވެ. އެ ހަތަރު މީހުންނަށް ވެސް އައިޖީއެމްއެޗް ގައި ދަނީ ފަރުވާދެމުންނެެވެ.
އައިޖީއެމްއެޗްގެ އިންފޮމޭޝަން އޮފިސަރު އަހުމަދު މައުސޫމް ވިދާޅުވީ ހަތަރު މީހުންގެ ހާލަތު ވެސް ސީރިއަސް ނޫން ކަމަށެވެ. ނަމަވެސް އެކަކުގެ ހަށިގަނޑުގެ 10 އިންސައްތަ ފިހިފައިވާ ކަމަށް އޭނާ ވިދާޅުވި އެވެ.
