ކޮނޑޭގައި ގެ އިމާރާތް ކުރުމަށް އެދި ހުށަހެޅުމުގެ މުއްދަތު އިތުރު ކޮށްފި
6 ސެޕްޓެމްބަރު 2019 | ހުކުރު 11:43ފޯމް ހުށަހަޅަން ޖެހޭނީ މި މަހުގެ 12 ވަނަ ދުވަހުގެ ކުރިން
އަމްނާ އިމާދު | 6 ސެޕްޓެމްބަރު 2019 | ހުކުރު 11:43
ގއ.ކޮނޑޭ
ބޯހިޔާވަހިކަމުގެ މަޝްރޫއުގެ ދަށުން ގއ.ކޮނޑޭގެ ގޯތިތަކުގައި ގެ އިމާރާތް ކުރުމަށް އެދި ހުށަހެޅުމުގެ މުއްދަތު އިތުރު ކޮށްފިއެވެ.
ކޮނޑޭ ކައުންސިލުން ބުނީ ސަރުކާރުގެ ބޯހިޔާވަހިކަމުގެ ވައުދުގެ ދަށުން އަތޮޅުތަކަށް އަމާޒުކޮށްގެން ހިންގުމަށް ހަމަޖެހިފައިވާ ހައުސިން ޔުނިޓް އެޅުމުގެ މަޝްރޫއުގެ ދަށުން އިމާރާތް ނުކުރެވި ހުރި ގޯތިތަކުގައި ގެ އިމާރާތް ކޮށް ދިނުމަށް އެދި ހުށަހެޅުމުގެ ފުރުޞަތު ހުޅުވާލާފައިވާ ކަމަށެވެ. އަދި އެ މުއްދަތު ސެޕްޓެމްބަރ 12 ވަނަ ދުވަހުގެ 14:00 އަށް އިތުރު ކުރެވިފައިވާ ކަމަށް ކައުންސިލުން ބުންޏެވެ.
މި ކަމަށް އެދި ހުށަހަޅަންޖެހޭ ފޯމް އެ އިދާރާގެ ވެބްސައިޓުން ޑައުންލޯޑް ކުރެވޭނެއެވެ. އަދި ރަސްމީ ގަޑީގައި ކައުންސިލް ކައުންޓަރުން ފޯމް ދޫކުރާނެއެވެ.
