މޯލްޑިވްސް އެސޯސިއޭޝަން ފޯ ޓޫރިޒަމް އިންޑަސްޓްރީ (މަޓީ) އިން އެޑްވާންސްޑް ޑިޖިޓަލް މާރކެޓިންގ ވާރކްޝޮޕެއް ބާއްވައިފިއެވެ.
މި ވާރކްޝޮޕް މަޓީގެ ފަރާތުން 1 ސެޕްޓެމްބަރުގައި ބާއްވާފައިވަނީ ދިރާގާއި ހެޕީ މާރކިޓާ ގުޅިގެން ޗަންޕާ ސެންޓްރަލް ހޮޓެލްގައެވެ.
ވާރކްޝޮޕްގެ މެދުވެރިކޮށް މޮޑަން ޑިޖިޓަލް މާރކެޓިންގ ސްޓްރެޓަޖީތަކުގެ މައުލޫމާތާއި ކުރިއަރަމުން އަންނަ ތަފާތު މާކެޓިންގ ޓްރެންޑްސް އަދި ގޫގުލް އެނަލަޓިކްސްގެ މައުލޫމާތު ބައިވެރިންނަށް ފޯރުކޮށްދީފައިވެއެވެ.
މި ވާރކްޝޮޕްގައި އެކި ރިސޯޓުތަކާއި ޓްރެވަލް އެޖެންސީތަކުގެ އިތުރުން ފަތުރުވެރިކަމުގެ ދާއިރާގައި ހަރަކާތްތެރިވާ 70 ފަރާތަކުން ވަނީ ބައިވެރިވެފައެވެ.
މަޓީގެ ފަރާތުން ބުނީ ކުރިއަތް އޮތް ތާނގައި ވެސް މިފަދަ އެކި ސްކިލްތަކުގެ ވާރކްޝޮޕްތައް ހިންގުމަށް ހަމަޖެހިފައިވާ ކަމަށެވެ.
