ކުޑަ ކުއްޖަކު ވަގަށް ނެގި ކަމަށްބުނެ އަންހެނަކު ގައިގައި ތަޅައިގަނެފި
2 ސެޕްޓެމްބަރު 2019 | ހޯމަ 19:34ތަޅައިގަނެފާވާ މީހަކީ އުމުރުން 25 އަހަރުގެ މީހެއް
ފާއިތުވި އަހަރުގައި ވެސް އިންޑިއާގައި ވަނީ ކުޑަކުދިން ވަގަށް ނަގާކަމަށް ބުނެ ގިނަ ބަޔަކަށް ހަމަލާދީފައެވެ.
އިންޑިއާގެ ވެރިރަށް ދިއްލީގައި ކުޑަކުއްޖަކު ވަގަށް ނެގިކަމަށް ބުނެ އަންހެނަކު ގައިގައި ތަޅައިގަނެފިއެވެ.
ދިއްލީ ފުލުހުން މައުލޫމާތުދޭ ގޮތުގައި ތަޅައިގަނެފައިވަނީ އުމުރުން 25 އަހަރުގެ މާބަނޑު އަންހެނެއްގެ ގައިގާ ކަމަށާ އޭނާގެ ހާލު ރަނގަޅު ކަމުގައެވެ. މި ހަމަލާއާ ގުޅިގެން ތިން މީހަކު ހައްޔަރު ކޮށްފައިވާކަމަށް ވެސް ފުލުހުން މައުލޫމާތު ދެއެވެ.
ގިނަ އަދަދެއްގެ މީހުންވަނީ އޭނާ ވަށާލާ އޭނާ އަށް ކުޑަކުއްޖަކު ވަގަށް ނެގި ކަމުގެ ދައުވާކޮށް އޭނާގައިގައި ތަޅާފައެވެ.
އިންޑިއާ ފުލުހުން ވަނީ ތުންތުން މަތިން ދެކެވޭ ވާހަކަތަކަށް ބިނަކޮށް މިފަދަ އަމަލުތައް ނުކުރުމަށް ގޮވާލަފައެވެ. އަދި ކުޑަކުދިން ވަގަށް ނެގުން ފަދަ ކަމަކަށް ޝައްކު ކުރެވޭނަމަ ފުލުހުންނަށް އެންގުމަށްވެސް އިންޑިއާ ފުލުހުން ވަނީ ގޮވާލާފައެވެ.
ފާއިތުވި އަހަރުގައި ވެސް އިންޑިއާގައި ވަނީ ކުޑަކުދިން ވަގަށް ނަގާކަމަށް ބުނެ ގިނަ ބަޔަކަށް ހަމަލާދީފައެވެ.
ކުޑަކުދިން ވަގަށް ނަގާ ކަމުގެ މައްސަލަތައް އެންމެ ގިނައިން ހުށައަޅާފައި ހުރީ ދިއްލީ ކައިރީގައި އޮންނަ އުއްތަރު ޕްރަދޭޝް އިންނެވެ. އޮގަސްޓް 29ގެ ނިޔަލަށް 46 މައްސަލައެއް ހުށައަޅާފައި ވާކަމަށް ފުލުހުން މައުލޫމަތުދެއެވެ.
