ސްރީލަންކާގެ ބޮޑުވަޒީރު ރަނިލް ވިކްރަމަސިންހަ ރާއްޖެ ވަޑައިގަންނަވާތީ ބައެއް މަގުތައް ބަންދު ކުރަން ނިންމައިފިއެވެ.
ރަނިލްގެ ދަތުރުފުޅާއި ގުޅިގެން ސެކިއުރިޓީ ބޭނުމަކަށްޓަކައި ގްރީން ޒޯން ހިމެނޭ ސަރަހައްދާއި ރައްޔިތުންގެ މަޖިލިސް ހިމެނޭ ސަރަހައްދުގެ ބައެއް މަގުތަށް ބަންދުކުރަން ފުލުހުން ވަނީ ނިންމާފައެވެ. ރަނިލް ރާއްޖެއަށް ކުރައްވާ ދަތުރުފުޅުގައި ރައްޔިތުންގެ މަޖިލީހުގައި ތަގުރީރު ކުރައްވަން ވަނީ ހަމަޖެހިފައެވެ.
ފުލުހުން ބުނީ ރަނިލް ރާއްޖެ ވަޑައިގަންނަވާތީ ހޯމަ ދުވަހުގެ ހެނދުނު 8 އިން މެންދުރު 2 އަށް އަދި އަންގާރަ ދުވަހުގެ ހެނދުނު 8 އިން މަޖިލީހުގައި އެމަނިކުފާނު ތަގުރީރު ކުރައްވާ ޖަލްސާ ނިމެންދެން ބައެއް މަގުތަށް ބަންދު ކުރަން ހަމަޖެހިފައިވާ ކަމަށެވެ.
ރަނިލް ރާއްޖެ އަށް ކުރައްވާ ދަތުރުފުޅަކީ ރައީސް އިބްރާހިމް މުހައްމަދު ސޯލިހުގެ ދައުވަތަކަށް ކުރައްވާ ދަތުރުފުޅެކެވެ. އެމަނިކުފާނުގެ މިދަތުރުފުޅުގައި އަނބިކަނބަލުން ޕްރޮފެސަރ މައިތިރީ ވިކްރަމަސިންހަ އާއި އެ ގައުއުމުގެ މަތީ ފެންވަރުގެ ވަފުދެއް ބައިވެރިވެ ވަޑައިގަންނަވާނެއެވެ.
ރަނިލް މަޖިލީހުގައި ތަގުރީރު ކުރެއްވުމަށް ހަމަޖެހިފައިވަނީ ސެޕްޓެމްބަރު މަހުގެ ތިން ވަނަ ދުވަހުގެ ހެނދުނު 9:30 ގައެވެ.
