ތިން މިލިއަން ރުފިޔާގެ ބަނގުރާ ނައްތާލައިފި
31 އޯގަސްޓު 2019 | ހޮނިހިރު 18:28689 މައްސަލައަކާއި ގުޅިގެން ހޯދާފައިވާ ތަކެތި
ޑްރްގް އެންފޯސް ޑިޕާޓްމެންޓުން ބަނގުރާ ނައްތާލަނީ
ތިން މިލިއަން ފަސްލައްކަ އަށާވީސް ހާސް ރުފިޔާގެ އަގުހުރި ބަނގުރާ ނައްތާލައިފިކަމަށް ފުލުހުން ބުނެފިއެވެ.
ހޮނިހިރު ދުވަހު އެ ބަނގުރާތައް ނައްތާލާފައިވަނީ ދޫނިދޫގައެވެ. ފުލުހުން ބުނީ، ނައްތާލި 8627 ބަނގުރާ އަކީ 2010 އިން 2019 އަށް ޑްރަގްއެންފޯސް ޑިޕާޓްމެންޓަށް ހުށައެޅުނު 689 މައްސަލައަކާއި ގުޅިގެން ހޯދާފައިވާ ތަކެތި ކަމަށެވެ.
ގިނަ އަދަދެއްގެ ބަނގުރާ ނައްތާލާފައިވާއިރު، ޖޫން މަހު ފުލުހުން ވަނީ އެ އިދާރާއަށް އަތުލައިގަނެފައިވާ ގިނަ އަދަދެއްގެ މަސްތުވާތަކެތި ނައްތާލާފައެވެ. އެގޮތުން 2014 ވަނަ އަހަރުގެ ޖެނުއަރީ މަހުން ފެށިގެން 2019 ވަނަ އަހަރުގެ ޖޫން މަހާއި ހަމައަށް ތަފާތު 3165 މައްސަލައެއްގައި ފުލުހުންގެ ބެލުމުގެ ދަށަށް ގެނެވިފައިވާ މަސްތުވާތަކެތީގެ ތެރެއިން 416.9 ކިލޯގެ މަސްތުވާ ތަކެތި ނައްތާލާފައިވެއެވެ.
