ޕްރަބާސްގެ ސާހޯ ލީކްކޮށްލައިފި
30 އޯގަސްޓު 2019 | ހުކުރު 17:19ފިލްމު ރިލީސް ކޮށްފައިވަނީ އޮގަސްޓް 30 ގައި
ތަމިލްރޮކާސް އިން ވަނީ ފިލްމު ތަކުގެ އިތުރުން ވެބް ސީރީސް ތަކާ ޓީވީ ޝޯތައް ވެސް ރިލީސް ކުރުމާ އެކު ލީކް ކޮށްފަ
ޕްރަބާސް އާ ޝްރައްދާ ކަޕޫރު ލީޑް ރޯލުން ފެނިގެންދާ ފިލްމް "ސާހޯ" ތަމިލްރޮކަރސް އިން ލީކު ކޮށްލައިފިއެވެ.
ތަމިލްރޮކަރސް އިން ވަނީ އެ ވެބްސައިޓް މެދުވެރިކޮށް ފިލްމު ޑައުންލޯޑް ކުރެވޭނެ ގޮތް ހަދާފައެވެ.
ޗަންކީ ޕާންޑޭ، ނީލް ނިތިން މުކޭޝް، މަނޭޝް މަންޖްރެކާރް އަދި މުރާލީ ޝަރްމާވެސް ފެނިގެންދާ މި ފިލްމު ސްކްރީނަށް ނެރެފައިވަނީ އޮގަސްޓް މަހުގެ 30 ވަނަ ދުވަހުއެވެ. ސެޖީތު ޑައިރެކްޓް ކޮށްފައިވާ މި ފިލްމް ޕްރޮޑިއުސް ކޮށްފައިވަނީ "ޔޫވީ ކްރިއޭޝަން" އިންނެވެ.
ތަމިލްރޮކަރސް އިން ވަނީ ފިލްމު ތަކުގެ އިތުރުން ވެބް ސީރީސް ތަކާ ޓީވީ ޝޯތައް ވެސް ރިލީސް ކުރުމާ އެކު ލީކް ކޮށްފައެވެ. މިކަމުގެ ސަބަބުން ގިނަ ފިލްމުތަކާއި ސީރީސް ތަކަށް ލިބޭ ފައިދާ ވަނީ ދަށަށްގޮސްފައެވެ.
އިންޑިއާގެ މަޝްހޫރު ގިނަ ބަޔަކު ސާހޯ ފިލްމު ބަލަން ކެތްމަދު ވެފައި ތިބި ނަމަވެސް ގިނަ ބަޔަކު ދަނީ ފިލްމަށް ފާޑު ކިޔަމުންނެވެ. އެގޮތުން ފިލްމުގެ ބަތަލް ޕްރަބާސްގެ އެކްޓިންގ ފިޔަވައި ބަލަންޖެހޭ އިތުރު ސަބަބެއް ނެތް ކަމަށް ފިލްމު ކްރިޓިކްސް ބުނެފައިވެއެވެ. މިއީ ބޮޑު ބަޖެޓަކުން ތައްޔާރުކޮށްފައިވާ ފިލްމެކެވެ.
