ސިވިލް ސާރވިސް ގާނޫނަށް އިސްލާހު ގެނައުމުގެ ބިލް މަޖިލީހަށް ބަލައިގަނެ ކޮމިޓީއަށް
29 އޯގަސްޓު 2019 | ބުރާސްފަތި 12:43ބިލް ބަލައިގަންނަން ފެންނަ ކަމަށް 67 މެމްބަރުން ވަނީ ވޯޓް ދެއްވާފައި
މަޖިލިސް ޗެމްބަރުގައި މެމްބަރުން
ސިވިލް ސާރވިސް ގާނޫނަށް އިސްލާހު ގެނައުމުގެ ބިލް މަޖިލީހަށް ބަލައިގެންފިއެވެ.
މި ބިލް ބަލައިގަންނަން ފެންނަ ކަމަށް 67 މެމްބަރުން ވަނީ ވޯޓް ދެއްވާފައެވެ. ބިލް މަޖިލީހަށް ބަލައިގަތުމަށްފަހު، އިތުރަށް ދިރާސާ ކުރުމަށް ވަނީ މިނިވަން މުއައްސަސާތަކުގެ ކޮމިޓީއަށް ފޮނުވާފައެވެ.
މި ބިލް ސަރުކާރުގެ ފަރާތުން މަޖިލީހަށް ހުށަހަޅުއްވާފައިވަނީ ހެންވޭރު ހުޅަނގު ދާއިރާގެ މެމްބަރު ހަސަން ލަތީފްއެވެ. ބިލްގައި ހުރި މުހިއްމު ކަންތައްތަކަށް އަލިއަޅުއްވާލައްވާ ވާހަކަދައްކަވަމުން ހަސަން ލަތީފް ވިދާޅުވީ ކޮމިޝަނުން ބަލާ މައްސަލަތައް ރައްޔިތުންގެ މަޖިލީހަށާއި ސަރުކާރަށް އެނގެން އޮންނަންޖެހޭ ކަމަށް ބިލްގައި ހިމަނާފައިވާނެ ކަމަށެވެ. ގެނެވޭ އިސްލާހުން ކޮމިޝަނުގެ ގާނޫނާއި ޚިލާފަށް ކަމެއް ކޮށްފިނަމަ ކޮމިޝަނާއި މެދު އެކި ފިޔަވަޅު އެޅުމުގެ ބާރު ރައްޔިތުންގެ މަޖިލީހުން ލިބިގެންދާނެ ކަމަށެެވެ.
ކޮމިޝަނުގެ މެމްބަރުންނަށް އިތުރު ވަޒީފާ އަދާނުކުރެވުމާއި، މެމްބަރުންގެ މާލީ ބަޔާން ހުށަހެޅުން ފަދަ ބަދަލުތައް ގެނެވިފައިވާ ކަމަށްވެސް ހަސަން ލަތީފްވަނީ ވިދާޅުވެފައެވެ.
