އެމްއެމްއޭގެ ސްކޮލަރޝިޕަށް ކުރިމަތިލުމުގެ ފުރުސަތު ހުޅުވާލައިފި
26 އޯގަސްޓު 2019 | ހޯމަ 07:4412 ސެޕްޓެންބަރުގެ ކުރިން ފޯމް ހުށަހަޅަންޖެހޭ
މޯލްޑިވްސް މަނިޓަރީ އޮތޯރިޓީ
މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ސްކޮލަރޝިޕަށް ކުރިމަތިލުމުގެ ފުރުސަތު ހުޅުވާލައިފިއެވެ.
އެމްއެމްއޭއިން ކޮށްފައިވާ އިއުލާނެއްގައި ބުނީ އިކޮނޮމިކްސް އިން ބެޗްލަރސް ޑިގްރީއަށް ކިޔެވުމުގެ ފުރުސަތު ހުޅުވާލާފައިވާ ކަމަށެވެ. އަދި އޯއީސީޑީ ގައުމެއްގައި ކިޔެވުމަށް ފުރުސަތު ލިބޭއިރު 12 ސެޕްޓެންބަރު ވާ ބުރާސްފަތި ދުވަހުގެ 12:00ގެ ކުރިން އެއިދާރާއަށް ފޯމް ހުށަހަޅަންޖެހޭ ކަމަށް އެމްއެމްއޭއިން މައުލޫމާތުދެއެވެ.
މިކޯހުގެ ޝަރުތަކީ އޭލެވެލް ބިޒްނަސް ސްޓްރީމްގެ 3 މާއްދާއިން ފާސްވެފައިވުން ނުވަތަ ޕްރޮގްރާމާ ގުޅޭ ދާއިރާ އަކުން ޑިޕްލޮމާ ހާސިލް ކޮށްފައިވުން އަދި ޖީސީއީ/އަޖީސީއެސްއީ އޯލެވެލް އިމްތިހާނުން "އިނގިރޭސި" މާއްދާއިން "ބީ" އިންފެށިގެން މަތިން ފާސް ވެފައިވުން ކަމަށް އިއުލާނުގައިވެއެވެ.
މީގެ އިތުރުން އެމްއެމްއޭއީން ބުނީ ކޯސް ފުރިހަމަކުރެއްވުމަށްފަހު، 5 އަހަރު ދުވަހުގެ މުއްދަތަށް އެއޮތޯރިޓީގައި ޚިދުމަތް ކުރުމަށް ބޮންޑުކުރެވޭނެ ކަމަށެވެ.،
މި ސްކޯލަރޝިޕަށް ހޮވޭ ފަރާތުން ކިޔެވުން ފުރިހަމަކުރުން އޮންނާނީ އެމްއެމްއޭއިން ކަނޑައަޅާ ޔުނިވަރސިޓީ އަކުންނެވެ. ޔުނިވަރސިޓީ ޕްލޭސްމަންޓް ހޯދުމުގައި މި އޮތޯރިޓީއިން އެހީތެރިވާނެއެވެ.
