ކ. މާލެ
|
24 އޯގަސްޓް 2019 | ހޮނިހިރު 19:24
އިގްތިސާދީ ކޮމިޓީގެ ތެރެއިން
އިގްތިސާދީ ކޮމިޓީގެ ތެރެއިން
އިގްތިސާދީ ކޮމިޓީ
އިގްތިސާދީ ކޮމިޓީއަށް މަސްވެރިންގެ ގިނަ ޝަކުވާތަކެއް
 
މިޔަރުގެ މަސްވެރިކަމަކީ ގެއްލުމެއް ނުވާކަމެއް ނަމަ އެކަންވެސް ހުއްދަ ކުރުމަށް މަސްވެރިން ބޭނުންވި
 
އެންވެރިކަމަށް ބުރޫ ނާރަނެ ފަދަ ގޮތަކަށް ރަށްތައް ދޫކުރަން ޖެހޭ ކަމަށް ބުނި
 
ބަޑި ބޭނުންކޮށްގެން މަސްވެރިކަން ކުރުން މަނާ ނުކުރުމަށް މަސްވެރިން އެދުނު

އިގްތިސާދީ ކޮމިޓީއަށް މަސްވެރިންގެ ގިނަ ޝަކުވާތަކެއް ހުށަހަޅައިފިއެވެ.

ރައްޔިތުންގެ މަޖިލީހުގައި ހޮނިހިރު ދުވަހު ބޭއްވި އިގްތިސާދީ ކޮމިޓީއަށް މަސްވެރިންގެ ފަރާތުން މަޝްވަރާ ކުރުމަށް މަސްވެރިންގެ ޖަމިއްޔާގެ ބޭފުޅުން ހާޒިރު ކުރުމުން، އެ ފަރާތުގެ ގިނަ ޝަކުވާތަކެއް އެ ކޮމިޓީގައި ވަނީ ހިއްސާ ކޮށްފައެވެ.

މަސްވެރިން ފާހަގަ ކުރި ކަންތައްތަކުގެ ތެރެއިން، ބަޑި ބޭނުންކޮށްގެން މަސްވެރިކަން ކުރުން މަނާ ނުކުރުމާއި ޓޫރިޒަމަށް ރަށްތައް ދޫކުރާއިރު އެންވެރިކަމަށް ބުރޫ ނާރާނެ ފަދަ ގޮތަކަށް ރަށްތައް ދޫކުރަން ޖެހޭ ކަމަށް އެފަރާތްތަކުން ބުނިކަން ފާހަގަކޮށްލެވެއެވެ.

ދިވެހި މަސްވެރިންގެ ޖަމްއިއްޔާގެ ފަރާތުން ވާހަކަ ދައްކަވަމުން އެ ޖަމްއިއްޔާގެ ރައީސް އަހުމަދު ޝާފިއު ވިދާޅުވީ މިހާރު ދާ ދުވެލީގައި ޓޫރިޒަމް ތަރައްގީ ކުރުމަށް ރަށްތައް ދޭއިރު އެންވެރިކަން ކުރާ ގިނަ ފަޅުތަކެއް ގެއްލެމުން ދާ ކަމަށެވެ. އޭނާ ވިދާޅުވީ އެގޮތަށް އެކަން އޮންނައިރު އެފަދަ ރަށްތައް ދޫކުރަން ވާނީ ސްޓްރޭޓެޖިކް ޕްލޭނެއްގެ ދަށުން އެންވެރިކަން ކުރާ ސަރަހައްދުތައް ހިމާޔަތް ކުރުމަށްފަހުގައި ކަމަށެވެ.

މީގެ އިތުރުން، ޑައިވްކޮށްގެން، ދިއްލައިގެން އެން ނަގާއިރު އެން އައިން އެއްކޮށް އެއް ސަރަހައްދަކަށް އަންނައިރު މަސްވެރިން އެ ހުރިހާ އެންތައް އެއްކޮށް ނަގާ ކަމަށާއި އެހެންކަމުން ވަކި ދުވަސްވަރެއްގައި ވަކި ސަރަހައްދުތަކައް އެގޮތަށް އެންވެރިކަން ކުރުން މަނާކުރުން ފަދަ ގަވާއިދެއް އެކުލަވާލުންވެސް ރަނގަޅުވާނެ ކަމަށް ޝާފިއު ވިދާޅުވިއެވެ.

އަސްލު ވަރަށް ރަނގަޅު ވާނެ ރާއްޖޭގެ، މިސާލަކަށް ހުވަދުއަތޮޅުގެ ވަކި ސަރަހައްދަކަށް މިއެނި ދުވަސްވަރެއްގައި ދިއްލުން މަނާ ޑައިވް ކުރުން މަނާ އެކަހަލަ ޑައިވްސައިޓްތަކެއް، މިހާރު ރާއްޖޭގައި ހިމާޔަތް ކޮށްފަ އޮންނަ ގޮތަށް ޑައިވްސައިޓްތަކެއް ހެދުން ރަނގަޅު
މަސްވެރިންގެ ޖަމްއިއްޔާގެ ރައީސް އަހުމަދު ޝާފިއު

މަސްވެރިންގެ ޝަކުވާތަކުގައި އިތުރަށް ހިމެނުނު އެއް ކަމެއްގެ ގޮތުގައި ފާހަގަކޮށްލެވުނީ މިޔަރުގެ މަސްވެރިކަމަކީ މަސްވެރިކަމަށް އޭގެން ގެއްލުމެއް ނުވާކަމެއް ނަމަ އެކަންވެސް ހުއްދަ ކުރުމަށް މަސްވެރިން ބޭނުންވިކަމެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް
24 އޯގަސްޓް 2019 | ހޮނިހިރު 23:36
އަސްކަރިއްޔާ ފޮނުވައިފި
މުސާރަހިއްޕަވާފަ ބަހައްޓާ އިނގޭތޯ