ލާމަރުކަޒީ ގާނޫނުގެ ބިލްގެ މަސައްކަތް ކުރިއަށް އޮތް ދެހަފްތާ ތެރޭގައި ނިންމޭނެ: ހަސަން ލަތީފް
24 އޯގަސްޓު 2019 | ހޮނިހިރު 03:29ރައީސް މުހައްމަދު ނަޝީދުގެ ވިސްނުންފުޅު ހުންނެވީވެސް މި ބިލަށް ބޭނުންވާ އިސްލާހުތަށް ކުރިއަށް އޮތް ދެހަފްތާގެ ތެރޭގައި ކޮމެޓީ އަށް ފޮނުވާ އެ ބިލުގެ މަސައްކަތް ކުރުމަށް
ހެންވޭރު ހުޅަނގު ދާއިރާ މެމްބަރު ހަސަން ލަތީފް
ލާމަރުކަޒީ ގާނޫނަށް ގެންނަން ބޭނުންވާ އިސްލާހު ގެނެސް، ބިލް އަންނަ އަހަރުގެ ލޯކަލް ކައުންސިލް ގެ އިންތިޙާބުގެ ކުރިން ނިންމޭނެ ކަމަށް ހެންވޭރު ހުޅަނގު ދާއިރާ މެމްބަރު ހަސަން ލަތީފް ވިދާޅުވެއްޖެއެވެ.
ހަސަން ލަތީފް މިހެން ވިދާޅުވީ ހުކުރު ދުވަހު އޮތް އެމްޑީޕީ ކައުންސިލަރުންގެ ކޮންފަރެންސްގައި ނޫސްވެރިއެއްގެ ސުވާލަށް ޖަވާބު ދެއްވަމުނެނެވެ.
މެމްބަރު ވިދާޅުވީ، އެ ބިލްގެ މަސައްކަތް ކުރިއަށް އޮތް ދެހަފްތާ ތެރޭގައި ކޮށް ނިންމުމަކީ އަމާޒުކަމަށެވެ.
އަދި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ ވިސްނުންފުޅު ހުންނެވީވެސް މި ބިލަށް ބޭނުންވާ އިސްލާހުތަށް ކުރިއަށް އޮތް ދެހަފްތާގެ ތެރޭގައި ކޮމެޓީ އަށް ފޮނުވާ އެ ބިލުގެ މަސައްކަތް ކުރުން ކަމަށެވެ. އެންމެ ލަސްވެގެން މިއަހަރު ތެރޭގައި މި ބިލަށް ގެންނަން ޖެހޭ އިސްލާހުތައް ގެނެސް، ގާނޫނަކަށް އެ ބިލް ބަދަލުކުރެވިގެންދާތަން ފެނިގެންދިއުމަށް އުއްމީދު ކުރައްވާ ކަމަށް ވެސް މެމްބަރު ވިދާޅުވިއެވެ.
