ހުކުރު 22 ނޮވެންބަރު 2019
09 ނޮރަ
1441 ރަބީއުލް އައްވަލް 25
ފަތިސް 04:37
އިރުއަރާ 05:53
މެންދުރު 11:56
އަސްރު 15:16
މަޣްރިބް 17:51
އިޝާ 19:07
ކުޅިވަރު -

ޔުވެންޓަސްގެ ކޯޗު ސާރީއަށް ނިއުމޯނިއާ ޖެހިއްޖެ

  • ސާރީ ވަނީ ޗެލްސީ އާއި އެކު ޔޫރަޕާ ލީގު ކާމިޔާބުކޮށްފަ

އަތޫފް އާތިފް
AthifAthoof

ކ. މާލެ 23 އޯގަސްޓު 2019 | ހުކުރު 18:34 2,545

ޔުވެންޓަސްގެ ކޯޗު ސާރީ - ގެޓީ އިމޭޖާސް

ޔުވެންޓަސްގެ ކޯޗު މަސާރީއަށް ނިއުމޯނިއާ ޖެހި ލީގުގައި ކުޅޭ ފުރަތަމަ ދެ މެޗުން އޭނާ ނުފެންނާނެ ކަމަށް ޔުވެންޓަސް އިން ބުނެފިއެވެ.

ޔުވެންޓަސް އިން ބުނީ ސާރީގެ ސިއްހީ ހާލު އާންމު ކުރީ އޭނާގެ އެދުމުގެ މަތިން ކަމަށާއި އޭނާގެ ފަރުވާގެ ކަންކަން ބަލަމުން އަންނަ ކަމަށެވެ. އަދި ލީގުގައި ޔުވެންޓަސް ކުޅޭ ފުރަތަމަ ދެ މެޗުގައި އޭނާ ނުފެންނާނެ ކަމަށް ޔުވެންޓަސް އިން ބުނެއެވެ.

ޔުވެންޓަސްއިން ހަފްތާ ބަންދުގައި ކުޅުނު އެކުވެރި ކަމުގެ މެޗުގައި ވެސް ސާރީ ފެނިގެން ގޮސްފައި ނުވާއިރު ޔުވެންޓަސް އިން ބުނީ އޭނާ ހުން އައިސްގެން އުޅޭތީ އެމެޗުގައި ނުފެނުނީ ކަމަށެވެ.

ޔުވެންޓަސް އިން ބުނީ ސާރީ ބަލިވެގެން ހެދި އިތުރު ޓެސްޓު ތަކުން އިނގުނު ގޮތުގައި އޭނާ އަށް ނިއުމޯނިއާ ޖެހިފައިވާ ކަމަށެވެ.

ސިނގިރޭޓު ގިނައިން ބޯ ކޯޗެއްގެ ގޮތުގައި މަޝްހޫރުވެފައިވާ ސާރީ އަކީ މެޗުގެ ތެރޭގައި ވެސް ސިނގިރޭޓު ބޯ ކޯޗެކެވެ.

އުމުރުން 60 އަހަރުގެ ސާރީ ކޯޗިންގެ ތެރެއަށް ވަނީ 1990 ވަނަ އަހަރުއެވެ.

ޔޫރަޕްގެ ގިނަ ކްލަބްތަކުން ސާރީއަށް ޝައުގުވެރިކަން ފާޅު ކޮށަފައިވަނިކޮށް އޭނާ ވަނީ ޗެލްސީދޫކޮށް ޔުވެންޓަސްއަށް ބަދަލުވެފައެވެ.

މިދިޔަ ސީޒަނުގެ ޕްރިމިއާ ލީގުގައި ޗެލްސީ ކުޅުނު 38 މެޗުގެ ތެރެއިން 21 މެޗުން މޮޅުވެފައިވާއިރު، 8 މެޗުން އެޓީމު ވަނީ ބަލިވެފައެވެ. އަދި އެޓީމު ވަނީ ނުވަ މެޗުން އެއްވަރުވެފައެވެ. އެޓީމުން ލީގު ނިންމާލީ ޕޮއިންޓް ތާވަލުގެ ތިންވަނައިގައެވެ.

މިދިޔަ އަހަރުގެ ޖުލައި މަހު ޗެލްސީގެ ކޯޗުކަމާ ސާރީ ހަވާލުވުމަށްފަހު، މިހާތަނަށް އިރުޝާދުދިން 62 މެޗުގެ ތެރެއިން 38 މެޗުން އެޓީމު ވަނީ މޮޅުވެފައެވެ. ބާކީ 11 މެޗުން އެޓީމު ބަލިވިއިރު، 13 މެޗުން ވަނީ އެއްވަރުވެފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ލީވާން އަލީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް