ފުވައްމުލަކުން ފްލެޓު ލިބުނު މީހުންގެ ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލައިފި
20 އޯގަސްޓު 2019 | އަންގާރަ 19:2727 އޮގަސްޓްގެ ކުރިން ޝަކުވާ ހުށަހަޅަންޖެހޭ
ފުވައްމުލަކު ސިޓީ ފްލެޓްތައް
ސަރުކާރުގެ ގެދޮރުވެރިކުރުން ޕްރޮގްރާމްގެ ދަށުން، ފުވައްމުލަކުގައި އިމާރާތްކޮށްފައިވާ 200 ފްލެޓްގެ ތެރެއިން ހުޅުވައިލި 140 ފްލެޓަށް ކުރިމަތިލި މީހުންގެ ޕޮއިންޓް ލިސްޓް އާންމުކޮށް، އެއަށް ޝަކުވާ ހުށަހެޅުމުގެ ފުރުސަތު ފުވައްމުލަކު ސިޓީ ކައުންސިލުން ހުޅުވާލައިފި އެވެ.
ފުވައްމުލަކު ސިޓީ ކައުންސިލުން ބުނީ ކެޓަގަރީ އޭ ގެ ދަށުން ފުވައްމުލަކު ސިޓީގެ ރައްޔިތުންނަށް ޚާއްސަ ކުރެވުނު 120 ފްލެޓަށް އެދި ފޯމް ހުށަހަޅާފައިވާ ފަރާތްތަކުގެ ތެރެއިން ޝަރުތު ހަމަވި ފަރާތްތަކާއި ކެޓަގަރީ ބީ ގެ ދަށުން ފުވައްމުލަކަށް ހިޖުރަކުރަން ބޭނުންވާ ފަރާތްތަކަށް ޚާއްސަކުރެވުނު 20 ފްލެޓަށް އެދި ފޯމް ހުށަހަޅާފައިވާ ފަރާތްތަކުގެ ތެރެއިން ޝަރުތު ހަމަވެފައިވާ ފަރާތްތަކަށް ޕޮއިންޓް ދެވިފައިވާ ގޮތުގެ ލިސްޓް އާންމުކޮށް އިއުލާންކޮށްފައިވާ ކަމަށެވެ.
ކައުންސިލުން ބުނީ ޕޮއިންޓް ލިބިފައިވާ ގޮތާމެދު ޝަކުވާ ހުށަހެޅުއްވުމަށް ބޭނުންވާ ފަރާތްތަކުން 27 އޮގަސްޓް ވާ އަންގާރަ ދުވަހު އޮފީސް ބަންދުވުމުގެ ކުރިން ލިޔުމުން ހުށަހެޅުމަށް އެދޭ ކަމަށެވެ.
ފުވައްމުލަކު ސިޓީ ކައުންސިލުން ބުނީ ފައިނަލް ލިސްޓް އާންމު ކުރާނީ މިހާރު އާންމުކޮށްފައިވާ ލިސްޓަށް ހުށަހަޅާ ޝަކުވާތަކާ ގުޅިގެން ލިސްޓަށް ގެންނަށް ޖެހޭ އުނިއިތުރެއް ވާނަމަ އެ އުނިއިތުރެއް ގެނައުމަށް ފަހު ކަމަށެވެ.
ރައީސް ސޯލިހު ސަރުކާރުގެ ބޯހިޔާވަކަމުގެ ޕްރޮގްރާމްގެ ދަށުން ފުވައްމުލަކުގައި އިތުރު 800 ހައުސިން ޔުނިޓް އަޅަން ވެސް ވަނީ ނިންމައިފައެވެ.
