ކ. މާލެ
|
20 އޯގަސްޓް 2019 | އަންގާރަ 11:30
އޭސީސީގެ ރައީސް
އޭސީސީގެ ރައީސް
ޝުއައިބް މުހައްމަދު އިގްބާލް
އޭސީސީ
ހުށަހެޅުނު މައްސަލަތަކުގެ ތެރެއިން ތަހްގީގު ކުރުމަށް ނިންމާފައިވަނީ 251 މައްސަލަ: އޭސީސީ
 
މި އަހަރު އެ ކޮމިޝަންގައި އެންމެ ގިނައިން ރަޖިސްޓްރީ ކުރެވިފައިވަނީ ޕްރޮކިޔުމަންޓާ ގުޅޭ މައްސަލަތައް
 
ކޮމިޝަންގެ މެންޑޭޓަށް ނުފެތޭ މައްސަލަތައް އެ މެންޑޭޓެއް އޮތް އިދާރާއަކަށް ދަނީ ފޮނުވަމުން
 
ކޮމިޝަނަށް ހުށަހެޅި ރެޖިސްޓްރީ ކުރެވިފައިވަނީ 259 މައްސަލަ

އެންޓި ކޮރަޕްޝަން ކޮމިޝަން (އޭސީސީ) އަށް މި އަހަރުގެ ދެވަނަ ކުއާޓާރގައި ހުށަހެޅުނު މައްސަލަތަކުގެ ތެރެއިން، ތަޙްޤީޤު ކުރުމަށް ނިމާފައިވަނީ 251 މައްސަލަ ކަމަށް އެ ކޮމިޝަނުން ބުނެފިއެވެ.

އޭސީސީން ބުނީ މިއަހަރުގެ ދެވަނަ ކުއާޓަރގައި އެ ކޮމިޝަނަށް ހުށަހެޅި ރެޖިސްޓްރީ ކުރެވިފައިވަނީ 259 މައްސަލަ ކަމަށާއި، އޭގެ ތެރެއިން މި ކުއާޓާރގައި ބަލަން ނިންމާފައިވަނީ 251 މައްސަލަ ކަމަށެވެ. އެ ކޮމިޝަނުން ބުނީ މިދިޔަ އަހަރުގެ އެ މުއްދަތުގައި ތަޙްޤީޤު ކުރުމަށް ނިންމާފައިވަނީ 110 މައްސަލަ ކަމަށެވެ.

އެންޓިކޮރަޕްޝަން ކޮމިޝަނުގެ ތަފާސްހިސާބުތަކުން ދައްކާގޮތުގައި 2019ވަނަ އަހަރުގެ ފުރަތަމަ ހަމަސް ދުވަހުގެ ތެރޭގައި 546 މައްސަލަ ރަޖިސްޓްރީ ކުރެވިފައިވާއިރު،މީގެތެރެއިން 259 މައްސަލައަކީ 2 ވަނަ ކުއާޓަރގައި ރަޖިސްޓްރީ ކުރެވިފައިވާ މައްސަލަތައް ކަމަށް އޭސީސީގެ ތަފާސް ހިސާބުތަކުން ދައްކައެވެ. އަދި 2018 ވަނަ އަހަރުގެ ދެވަނަ ކުއާޓަރގެ ތެރޭގައި ރަޖިސްޓްރީ ކުރެވިފައިވަނީ 124 މައްސަލަ ކަމަށް އެ ކޮމިޝަނުގެ ތަފާސް ހިސާބުތަކުން ދައްކައެވެ.

އޭސީސީން ބުނީ އެ ކޮމިޝަނަށް ހުށަހަޅާ ޝަކުވާތަކުގެ ތެރެއިން ކޮމިޝަންގެ މެންޑޭޓަށް ނުފެތޭ މައްސަލަތައް އެ މެންޑޭޓެއް އޮތް އިދާރާއަކަށް ފޮނުވަމުންދާ ކަމަށެވެ. އެގޮތުން، މިއަހަރުގެ 2 ވަނަ ކުއާޓަރގެ ތެރޭގައި 18 މައްސަލައެއް ދައުލަތުގެ ކަމާބެހޭ އިދާރާތަކަށް ފޮނުވާފައިވާއިރު، 2018 ވަނަ އަހަރުގެ އެ މުއްދަތުގައި ކޮމިޝަނުން އެހެނިހެން އިދާރާތަކަށް ފޮނުވާފައިވަނީ 8 މައްސަލަ ކަމަށް އޭސީސީން ވަނީ ބުނެފައެވެ.

މީގެއިތުރުން، ކޮމިޝަނުގެ މެންޑޭޓަށް ނުފެތޭތީއާއި އެކަށީގެންވާ ވަރަށް މަޢުލޫމާތު ލިބިފައިނުވާތީ، 44 މައްސަލަ މިއަހަރުގެ ދެވަނަ ކުއާޓަރގައި ނުބަލާ ދޫކޮށްލާފައިވާއިރު، 2018 ވަނަ އަހަރުގެ އެ މުއްދަތުގައި 16 މައްސަލަ ވަނީ ނުބަލާ ދޫކޮށްލާފައި ކަމަށް އޭސީސީން ވަނީ ބުނެފައެވެ.

އޭސީސީގައި ރެޖިސްޓްރީ ކުރެވިފައިވާ މައްސަލަތަކުގެ ތަފްސީލް

އޭސީސީން ބުނީ މި އަހަރު އެ ކޮމިޝަންގައި އެންމެ ގިނައިން ރަޖިސްޓްރީ ކުރެވިފައިވަނީ ޕްރޮކިޔުމަންޓާ ގުޅޭ މައްސަލަތައް ކަމަށެވެ.މިއަހަރުގެ ދެވަނަ ކުއާޓަރގެ ތެރޭގައި ޕްރޮކިއުމަންޓާ ގުޅޭ 94 މައްސަލައެއް އޭސީސީގައި ރަޖިސްޓްރީ ކުރެވިފައިވާއިރު، 2018 ވަނަ އަހަރުގެ މި މުއްދަތުގެ ތެރޭގައި ޕްރޮކިއުމަންޓާ ގުޅޭ 44 މައްސަލަ ރަޖިސްޓްރީ ކުރެވިފައިވާ ކަމަށެވެ.

ވަޒީފާއާގުޅޭ 51 މައްސަލައެއް މިއަހަރުގެ ދެވަނަ ކުއާޓަރގެ ތެރޭގައި ކޮމިޝަންގައި ރަޖިސްޓްރީ ކުރެވިފައިވާއިރު 2018 ވަނަ އަހަރު މި މުއްދަތުގެ ތެރޭގައި ވަޒީފާއާއި ގުޅޭ 15 މައްސަލަ ކޮމިޝަނުގައި ރަޖިސްޓްރީ ކުރެވިފައިވާ ކަމަށް އޭސީސީން ވަނީ ބުނެފައެވެ.

މީގެ އިތުރުން މިއަހަރުގެ ދެވަނަ ކުއާޓަރގެ ތެރޭގައި ގޯތިގެދޮރާއި، ކުއްޔަށް ދޫކުރެވޭ ތަންތަނާއި ބިމާއި، މުސާރައާއި އިނާޔަތްތަކާއި، އިންތިޚާބު އަދި ކެމްޕޭންތަކާ ގުޅޭ ޖުމްލަ 60 މައްސަލައެއް ރަޖިސްޓްރީ ކުރެވިފައިވާ ކަމަށާއި، އަދި އެހެނިހެން ތަފާތު ބާވަތްތަކުގެ 40 މައްސަލައެއް މި އަހަރުގެ ދެވަނަ ކުއާޓަރގެ ތެރޭގައި ކޮމިޝަނުގައި ރަޖިސްޓްރީ ކުރެވިފައިވާ ކަމަށް އޭސީސީން ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި