އަދީބު އައިޖީއެމްއެޗަށް ގެނެސް ފަރުވާދޭން ފަށައިފި
15 އޯގަސްޓު 2019 | ބުރާސްފަތި 17:27އަދީބް ޑޮކްޓަރަށް ދެއްކުމަށް ގެނެވުނީ ނިކުރި ދުޅަވެފައިހުރުމުން
އަދީބު އައިޖީއެމްއެޗްގައި
ޖަލު ބަންދުގައި ހުންނެވި ކުރީގެ ނައިބް ރައީސް އަހުމަދު އަދީބް އައިޖީއެމްއެޗަށް ގެނެސް ފަރުވާދޭން ފަށައިފިއެވެ.
އަދީބް އައިޖީއެމްއެޗަށް ގެެނެސްފައިވާ ބުރާސްފަތި ދުވަހުގެރޭގެ ވަގުތެއްގައެވެ.
ރާއްޖެ.އެމްވީއަށް މައުލޫމާތުދެއްވަމުން ކަރެކްޝަނަލް ސާރވިސްގެ މީޑިއާ އޮފިޝަލް ވިދާޅުވީ އަދީބް ޑޮކްޓަރަށް ދެއްކުމަށް ގެނެވުނީ ނިކުރި ދުޅަވެފައިހުރުމުން ކަމަށެވެ. އަދި އެއީ ގޮޅިތެރެޔަށް ވެއްޓިވަޑައިގަތުމުންވީގޮތެއްކަމަށް އަދީބް ވިދާޅުވިކަމަށް އޮފިޝަލް ވިދާޅުވި އެވެ.
އަދީބް މީގެކުރިންވެސް އެކި ފަހަރުމަތިން އައިޖީއެމްއެޗަށް ގެނެސް ފަރުވާދީފައިވެއެވެ.
ޅ. މާބިންހުރާ ކުއްޔަށް ދީގެން ދައުލަތަށް ލިބެންޖެހޭ ފައިސާއަށް ޚިޔާނާތްތެރިވި މައްސަލާގެ ޝަރީއަތް ނިމެންދެން އަދީބް ބަންދުގައި ބެހެއްޓުމަށް ކަރެކްޝަނަލް ސާރވިސްގެ މައްޗަށް ސުޕްރީމް ކޯޓުން އަމުރުކުރީ މިމަހުގެ 8 ވަނަ ދުވަހު އެވެ. ސުޕްރީމް ކޯޓުން ނެރުނު އަމުރުގައި ބުނެފައިވަނީ އަދީބު ކުރިން އަމަލުކުރި ގޮތުގެ މައްޗަށާއި މައްސަލައިގެ ބާވަތަށް ބެލުމަށްފަހު، އެ މައްސަލަ އެ ކޯޓުން ނިމެންދެން ނުވަތަ އެހެން ގޮތަކަށް ކަނޑައަޅަންދެން ރިމާންޑް ޖަލެއްގައި އަދީބު ބަހައްޓަން އަމުރުކުރާ ކަމަށެވެ.
