ރާއްޖެ
އަލިފާނުގެ ހާދިސާ
މާޖެހިގެއިން ދުން އެރީ ގޮދަޑިއެއްގައި ރޯވެގެން: އެމްއެންޑީއެފް
އަލިފާނުގެ ހާދިސާ އެއް ހިނގައިގެން ފުލުހުން ހަރަކާތްތެރިވާން ފަށައިފި
އަތޫފް އާތިފް, ރާއްޖެ އެމްވީ | 5 އޯގަސްޓު 2019 | ހޯމަ 17:00
ގ. މާޖެހިގެ
ގ. މާޖެހިގެއިން ދުން އަރައިގެން އެމްއެންޑީއެފް އަދި ފަޔަރ އެންޑް ރެސްކިއު ސަރވިސަސްއިން ހަރަކާތްތެރިވަމުންދިޔައީ އެގޭގެ ފަސް ވަނަ ފްލޯގައި ރޯވެގެން ކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ ދުންއަރާފައިވަނީ، އެގޭގެ ފަސް ވަނަ ފަންގިފިލާގެ ކޮޓަރިއެއްގައި އޮތް ގޮދަޑިއެއްގައި ރޯވެގެން ކަމަށެވެ. މި ހާދިސާ ހިނގާފައިވަނީ ހޯމަ ދުވަހުގެރޭ 09:00 ހާއިރެވެ. އަދި ރޯވި އަލިފާންގަނޑު މާގިނައިރުތަކެއް ނުވަނީސް ވަނީ ނިއްވާލާފައެވެ.
މީގެ އިތުރުން އެ އިމާރާތަށް އިތުރު ގެއްލުމެއް ލިބިފައި ނުވާ ކަމަށްވެސް އެމްއެންޑީއެފުން ބުނެފައިވެއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
