ޕީއެސްއައިޕީގެ ދަށުން އެޑިއުކޭޝަންގެ 3 މަޝްރޫއެއްގައި ސޮއިކޮށްފި
5 އޯގަސްޓު 2019 | ހޯމަ 11:14އއ ތޮއްޑޫއާއި ރ ހުޅުދުއްފާރު ސުކޫލުގެ މަލްޓި ޕާރޕޯސް ހޯލް މަސައްކަތް ހިމެނޭ
ޢެޑިއުކޭޝަން މިނިސްޓްރީގައި އޮތް ސޮއި ކުރުމުގެ ރަސްމިއްޔާތު
ޕީއެސްއައިޕީގެ ބަޖެޓުގައި ހިމަނައިގެން ކުރިއަށްގެންދާ މަޝްރޫއުތަކުގެ ތެރެއިން އެޑިއުކޭޝަން މިނިސްޓްރީގެ 3 މަޝްރޫއެއްގައި ސޮއިކޮށްފިއެވެ.
ހޯމަ ދުވަހު އެޑިއުކޭޝަން މިނިސްޓްރީގައި އޮތް ރަސްމިއްޔާތެއްގައި ސޮއިކޮށްފައިވަނީ ހދ.ނެއްލައިދޫ ސުކޫލުގައި އިމާރަތް ކުރުމަށް ހަމަޖެހިފައިވާ 2 ކްލާސްރޫމް އިމާރާތުގެ މަސައްކަތާއި، އއ ތޮއްޑޫއާއި، ރ ހުޅުދުއްފާރު ސުކޫލުގައި އިމާރަތް ކުރުމަށް ހަމަޖެހިފައިވާ މަލްޓި ޕާރޕޯސް ހޯލް ދެބުރި އިމާރާތުގެ ކޮންޓްރެކްޓުގައެވެ.
އެގޮތުން ތޮއްޑޫއާއި ހުޅުދުއްފާރުގައި އިމާރަތްކުރާ މަލްޓި ޕާރޕަސް ހޯލް ދެބުރި އިމާރާތުގެ މަސައްކަތް، ވީ އަވަރ އިންވެސްޓްމަންޓް ޕްރައިވެޓް ލިމިޓެޑާއި ހަވާލުކޮށްފައިވާއިރު، މި ދެ މަޝްރޫއުވެސް 360 ދުވަހުގެ ތެރޭގައި ނިންމުމަށް މަސައްކަތް ހަވާލުވި ފަރާތުން ވަނީ އެއްބަސްވެފައެވެ.
މިނިސްޓްރީން ބުނީ މި ދެ މަޝްރޫއުވެސް ނިމި 2020 ވަނަ އަހަރުގެެ އޯގަސްޓު މަހުގެ ތެރޭގައި އިމާރާތުގެ ބޭނުން ހިފަން ފެށޭނެ ކަމަށް ލަފާ ކުރެވޭ ކަމަށެވެ.
އޭގެ އިތުރުން ހދ ނެއްލައިދޫ ސުކޫލުގައި އިމާރަތްކުރަން ހަމަޖެހިފައިވާ 2 ކްލާސްރޫމް އިމާރާތުގެ ކޮންޓްރެކްޓުގައިވެސް ސޮއިކޮށްފައިވާއިރު، މި މަޝްރޫއާއިި ހަވާލުވެފައިވަނީ އިންޓަރލޮކް ކޮންސްޓްރަކްޝަން ޕްރައިވެޓް ލިމިޓެޑާއެވެ. އަދި މި މަސައްކަތް ނިންމުމަށް 125 ދުވަހުގެ މުއްދަތެއް ދީފައިވާއިރު، މިނިސްޓްރީން ބުނީ މިއަހަރު ޑިސެމްބަރު މަހުގެ ކުރީކޮޅު އިމާރަތް ބޭނުންކުރެވޭނެ ކަމަށް ލަފާ ކުރެވޭ ކަމަށެވެ.
މިއަދު ސޮއިކުރި ޕްރޮޖެކްޓް ތަކުގެ އަގުތައް:
މިއަހަރުގެ ޕީއެސްއައިޕީ ބަޖެޓުން ތައުލީމީ ދާއިރާއަށް 246 މިލިއަނަށްވުރެ ގިނަ ރުފިޔާ ކަނޑައަޅާފައިވާއިރު، މިހާރުވެސް ޕީއެސްއައިޕީގެ ދަށުން 20 ޕްރޮޖެކްޓެއް އިއުލާނުކޮށް އެވާރޑް ކުރުމުގެ މަސައްކަތް ކުރިއަށްދާކަމަށް މިނިސްޓްރީން ބުނެއެވެ.
