މިނިސްޓްރީ އޮފް ޔޫތް ސްޕޯރޓްސް އެންޑް ކޮމިއުނިޓީ އެމްޕަވަރމަންޓުގެ ބޭފުޅުން ރައްޔިތުންގެ މަޖިލީހުގެ އިޖުތިމާއީ ކޮމިޓީގެ މެމްބަރުންނާ ބައްދަލުކުރައްވައިފިއެވެ.

ހޯމަ ދުވަހު ބޭއްވި މި ބައްދަލުވުމުގައި ޔޫތް މިނިސްޓަރ އަހުމަދު މަހުލޫފުވެސް ބައިވެރިވެވަޑައިގެންފައިވާއިރު، މިނިސްޓްރީގެ ފަރާތުން ޑެޕިއުޓީ މިނިސްޓަރ އަހުމަދު އިބްރާހިމާއި، ޑިރެކްޓަރ ޖެނެރަލް އަލީ ޒަކީއާއި، ޕާރމަނަންޓް ސެކެޓްރީ ހުސައިން ޝަރީފްގެ އިތުރުން ޕްރޮޖެކްޓް ޑިޕާޓްމަންޓުން އާއިޝަތު ނަޒްލީވެސް ބައިވެރިވެވަޑައިގެންފައިވެއެވެ.

މި ބައްދަލުވުމުގައި މިނިސްޓްރީގެ ފަރާތުން ވަނީ މިނިސްޓްރީން މިވަގުތު ކުރަމުންދާ މަސައްކަތްތަކުގެ ތަފްސީލު ކޮމިޓީއާއި ހިއްސާކޮށްފައެވެ. އެގޮތުން މިނިސްޓްރީގެ މަސައްކަތްތައް ކުރިއަށްދާ ގޮތާއި، ހުރި ގޮންޖެހުންތަކަށް މިނިސްޓަރ އަލިއަޅުވާލާފައިވެއެވެ.

ކޮމިޓީއަށް މައުލޫމާތު ދެއްވަމުން މިނިސްޓަރ ވަނީ މިނިސްޓްރީގެ މަސައްކަތްތައް ހިންގުމުގައި ބަޖެޓުގެ ދަތިކަން ހުރިކަން ފާހަގަކުރައްވާފައެވެ. އެގޮތުން މިނިސްޓަރ ފާހަގަކުރެއްވި ކަންކަމަށް ރިއާޔަތްކޮށް ބަޖެޓު އެކަށައެޅުމުގައި ކޮމިޓީގެ މެމްބަރުންގެ ފުރިހަމަ އެއްބާރުލުން ދެއްވާނެކަން މެމްބަރުންވެސް ވަނީ ފާހަގަކުރައްވާފައެވެ.

މިއަދުގެ ކޮމިޓީ ބައްދަލުވުމުގައި މެމްބަރުންގެ ފަރާތުން މައިގަނޑު ގޮތެއްގައި 5 ކަމެއް ވަނީ ހިއްސާކުރައްވާފައެވެ.

މެމްބަރުން ފާހަގަކުރެއްވި ކަންކަން:

މެމްބަރުން ފާހަގަކުރައްވާފައިވާ ކަންކަމާ ގުޅޭގޮތުން މަސައްކަތްކޮށް، މިނިސްޓްރީގެ ފުރިހަމަ އެއްބާރުލުން ދެއްވާނެކަމަށް މިނިސްޓަރ ވަނީ ވިދާޅުވެފައެވެ.