މީހަކު ރަހީނުކޮށްގެން ގެންގުޅޭކަމަށް ތުހުމަތުކުރެވޭ މައްސަލައެއްގައި ހައްޔަރުކުރި ދެ މީހުންގެ ބަންދު މުއްދަތު ޖަހައިފިއެވެ.
ފުލުހުން ބުނީ ރަހީނުކޮށްގެން ގެންގުޅުނު މީހާ ރަހީނުކޮށްފައިހުރި ދުވަސްވަރު އެމީހާއަށް އެކި ގޮތްގޮތުން އަނިޔާ ކޮށްފައިވާ ކަމަށެވެ.
މި މައްސަލައިގައި ހޮނިހިރު ދުވަހު ހެނދުނު މާލެއިން ހައްޔަރު ކޮށްފައިވަނީ 19 އަހަރާއި 22 އަހަރުގެ ދެފިރިހެނުން ކަމަށެވެ.
Advertisement
ހޯމް މިނިސްޓްރީން ކަނޑައަޅާ ތަނެއްގައި ބަންދުގައި ބައިތިއްބައިގެން ތަހުގީގު ކުރިއަށް ގެންދިއުމަށް 10 ދުވަހުގެ މުއްދަތެއް ކްރިމިނަލް ކޯޓުން އާދިއްތަ ދުވަހު ދީފައިވާ ކަމަށް ފުލުހުން މައުލޫމާތުދެއެވެ.
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
