ހޮނިހިރު 24 އޯގަސްޓު 2019
01 ފުރަ
1440 ޒުލްޙައްޖު 22
ފަތިސް 04:48
އިރުއަރާ 06:00
މެންދުރު 12:12
އަސްރު 15:22
މަޣްރިބް 18:17
އިޝާ 19:30
ވިޔަފާރި - އެމްޓީސީސީ

އެމްޓީސީސީގެ ފެރީ ދަތުރުތައް ދ. އަތޮޅަށް

  • މީދު އާއި ކުޑަހުވަދޫ އާ ދެމެދު ހަފްތާއަކު ހަ ދަތުރު ކުރާނެ
  • ދ. އަތޮޅަށް ކުރާ ފެރީ ދަތުރުތަކުގެ އަގަކީ 20 ރުފިޔާ
  • ފެރީތަކުގައި ސަތޭކަ މީހުންގެ ޖާގަ އޮންނާނެ

ފާތިމަތު އުދުމާ
udhooooo

ކ. މާލެ 4 އޯގަސްޓު 2019 | އާދީއްތަ 16:30 1,353

އެމްޓީސީސީގެ ފެރީ އެއް - އެމްޓީސީސީ

މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އިން ދ. އަތޮޅަށް ފެރީގެ ހިދުމަތްދޭން ފަށައިފިއެވެ.

އެމްޓީސީސީ އިން އަލަށް ފަށާފާވާ ފެރީތައް ދެ ރޫޓަކުން ދަތުރު ކުރާނެއެވެ. އެގޮތުން ރޫޓް 406 ގައި ހޯމަ، ބުދަ އަދި ހޮނިހިރު ދުވަހު މީދޫ، ރިނބުދޫ، ހުޅުދެލި އަދި ކުޑަހުވަދޫ އަށް ދަތުރު ކުރާނެއެވެ. އަދި ރޫޓް 407 ގެ މަގުން މީދޫ، ބަނޑިދޫ، ވާނީއާ، މާއެނބޫދޫ އަދި ކުޑަހުވަދޫ އަށް އާދީއްތަ، އަންގާރަ އަދި ބުރާސްފަތި ދުވަހު ދަތުރުތައް ކުރާނެއެވެ.

އެމްޓީސީސީ އިން ވަނީ މީދު އާއި ކުޑަހުވަދޫ އާ ދެމެދު ހަފްތާއަކު ހަ ދަތުރު ކުރާނެ ކަމަށް ބުނެފައެވެ.

ދ. އަތޮޅަށް ކުރާ ފެރީ ދަތުރުތަކުގެ އަގަކީ 20 ރުފިޔާއެވެ.

ސަތޭކަ މީހުންގެ ޖާގަ އޮންނަ މި ފެރީތަކުގައި ބައިސްކަލު އަދި ލުއި ލަގޭޖް ގެންދެވޭނެ ކަމަށް އެމްޓީސީސީ އިން މައުލޫމާތުދެއެވެ.

އެމްޓީސީސީ އިން ދ. އަތޮޅުގައި ފެރީގެ ހިދުމަތް ފަށާފައިވަނީ ކުރިން މި ސަރަހައްދުގައި ހިދުމަތް ދެމުން ގެންދިޔަ ވާމިލިއަން އިންޓަނޭޝަނަލް އިން ފެރީގެ ހިދުމަތް ހުއްޓާލުމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް