ޝޯޝަލް މީޑިއާ ފޯލޯވަރުން ގިނަކުރަން މަގުމައްޗަށް ނޫޓް އުކި މީހަކު ހައްޔަރު ކޮށްފި
3 އޯގަސްޓު 2019 | ހޮނިހިރު 05:32އޭނާ ބޭނުންވީ ސޯޝަލް މީޑިއާ ސެލެބްރިޓީ އަކަށް ވާން
މަގުމައްޗަށް ފައިސާ އުކަނީ
ޝޯޝަލް މީޑިއާގައި ފްލޯވަރުން ގިނަ ކުރުމުގެ ނިޔަތުގައި މަގުމައްޗަށް ފައިސާގެ ނޫޓް އުކި މީހަކު ދުބާއިން ހައްޔަރު ކޮށްފިއެވެ. އޭޝިޔާ ދަރިފަސްކޮޅަށް ނިސްބަތްވާ އެމީހާ ވަނީ އޭނާ ''ދިރްހަމް' ނޫޓްތައް އުކާ ވީޑީއޯ އެއް ސޯޝަލް މީޑިއާ ގައި އަޕްލޯޑް ކޮށްފައެވެ.
ދުބާއީ ފުލުހުންގެ މީޑިއާ ޑިރެކްޓަރު ފައިސަލް ގައްސާމް ވިދާޅުވީ، އުމުރުން 30 އަހަރުގެ އެމީހާ ބޭނުންވަނީ ސޯޝަލް މީޑިއާ ސެލެބްރީޓީ އަކަށްވާން ކަމަށެވެ. ފޮލޯވަރުން ގިނަ ކުރަން މަގުމައްޗަށް ނޫޓް އުކި ކަމަށް އޭނާ އެއްބަސްވެފައިވާ ކަމަށް ގައްސާމް ވިދާޅުވިއެވެ. ފުލުހުން ދަނީ އެ މައްސަލަ އިތުރަށް ތަހުގީގު ކުރަމުންނެވެ.
ސޯޝަލް މީޑިއާ ބޭނުން ކުރާ ފަރާތްތަކުން ގާނޫނާއި ގަވާއިދު ތަކަށް އަމަލު ކުރަން މީޑިއާ ޑިރެކްޓަރު ވަނީ އިލްތިމާސް ކޮށްފައެވެ.
