އީޝާ ޑިއޯލް އޭނާގެ ދަރިފުޅުގެ ފޮޓޯއެއް ފުރަތަމަ ފަހަރަށް ސޯޝަލް މީޑިއާގައި އާންމުކޮށްފި
8 މެއި 2018 | އަންގާރަ 06:31ފޮޓޮ އާންމު ކޮށްފައި ވަނީ ޓްވިޓާގައި
އީޝާ ޑިިއޯލް އަދި ފިރިމީހާ ބާރަތު އާއި ދަރިފުޅު ރާދްޔާ
އީޝާ ޑިއޯލް އޭނާގެ އަންހެން ދަރިފުޅު ރާދްޔާ ގެ ފޮޓޯއެއް ފުރަތަމަ ފަހަރަށް ސޯޝަލް މީޑިއާގައި އާންމުކޮށްފިއެވެ.
ޓްވިޓާގައި އާންމުކޮށްފައިވާ އެ ފޮޓޯ ޝެއާކޮށްފައި ވަނީ ދަރިފުޅު ރާދްޔާއަށް ހަމަސް ވީ ފަހުންނެވެ. މީގެ ކުރިން ރާދްޔާގެ އެއްވެސް ފޮޓޯއެއް ސޯޝަލް މީޑިއާގައި އޭނާ އާންމުކޮށްފައެއް ނުވެއެވެ.
އަދި ފަހުގެ އިންޓަވިއުއެއްގައި އޭނާ ބުނެފައި ވަނީ މަންމައަކަށްވުމުން އޭނާ ވަރަށް އުފާވާ ކަމަށާއި ދަރިފުޅު ރާދްޔާ އޭނާގެ ދިރިއުޅުމަށް އައުމުން އޭނާ ފުރިހަމަ ވެއްޖެ ކަމަށެވެ. އަދި އީޝާގެ މަންމަ ހެމާ މާލިނީ ބުނީ އޭނާގެ ދެވަނަ މާމަ ދަރިފުޅު ރާދްޔާ އެންމެ ވައްތަރީ އޭނާއާ ކަމަށެވެ. އޭނާގެ ފުރަތަމަ މާމަ ދަރިފުޅަކީ އޭނާގެ ހަނގު އަންހެން ދަރިފުޅު އަހާނާއަށް ލިބުނު ފިރިހެން ދަރިފުޅެވެ.
އެކްޓަރ އީޝާ ޑިއޯލް އަދި އޭނާގެ ފިރިމީހާ ބާރަތު ޓަކްޓަނީ އަށް އަންހެން ކުއްޖަކު ލިބުނީ 2017 ވަނަ އަހަރުގެ އޮކްޓޯބަރ މަހު 23 ވަނ ދުވަހުއެވެ. އެދެމީހުންނަށް ކުއްޖަކު ލިބުނީ ކައިވެނީގެ 5 އަހަރު ފަހުންނެވެ.
