ހުޅުމާލެއަށް ދެން ދަތުރުކުރެވޭނީ 75 ރުފިޔާއަށް
1 އޯގަސްޓު 2019 | ބުރާސްފަތި 11:49ދާގިނާއަށް އެއްވެސް އިތުރު ފައިސާއެއް ނުނެގޭނެ
ސިނަމާލެ ބްރިޖް މަތިން ޓެކްސީތަކެއް ދަތުރުކުރަނީ
މާލޭ ސަރަހައްދުގައި އޮގަސްޓް މަހުގެ 7 ވަނަ ދުވަހުން ފެށިގެން ޓެކްސީ ކުރުމުގެ އަގުތައް ޓްރާންސްޕޯޓް އޮތޯރިޓީއިން ކަނޑައަޅައިފިއެވެ.
ޓްރާންސްޕޯޓް މިނިސްޓްރީއިން ބުރާސްފަތި ދުވަހު ނެރުނު އިއުލާނެއްގައި އެ މިނިސްޓްރީން ވަނީ މާލޭ ސަރަހައްދުގައި ޓެކްސީ ކުރެވޭނެ އަގުތައް ކަނޑައަޅާފައެވެ. އަދި އެއަގުގެ އިތުރުން ޓެކްސީގެ ޑިކީއަށް އަރުވާ ދާގީނާއަކުން ވެސް އިތުރު އަގެއް ނެގުމަކީ މަނާކަމެއްކަމުގައި ވެސް ޓްރާންސްޕޯޓް އޮތޯރިޓީން ބުނެފައިވެއެވެ.
މާލޭ ސަރަހައްދުގެ ޓެކްސީ އަގުތައް
އޭގެ އިތުރުން އެއޮތޯރިޓީން ބުނީ ކުރިޔަށް އޮތް ތަނުގައި ޓެކްސީ ދަތުރުގެ ހިދުމަތް ދޭނީ މޯބައިލް އެޕްލިކޭޝަނެއް މެދުވެރިކޮށްގެން ކަމަށެވެ. އަދި މިނިންމުން ނިންމާފައިވަނީ އާންމު ރައްޔިތުންގެ ހިޔާލާއި ޓެކްސީ ސެންޓަރުތަކާއި ޑްރައިވަރުންގެ ހިޔާލާއި މަޝްވަރާއަށް ފަހުގައި ކަމަށް ވެސް ޓްރާންސްޕޯޓް އޮތޯރިޓީން ބުނެފައިވެއެވެ.
