ދިވެހި ފަންނާނުންގެ މިޔުޒިކީ އީދު ޖުލައި 27 އަދި 28 ގައި ކާނިވާގައި
27 ޖުލައި 2019 | ހޮނިހިރު 08:23ޝޯ ކުރިޔަށްދާނީ 27 އަދި 28 ވަނަ ދުވަހުގެ ރޭ 8:30 ފެށިގެން 12:00އަށް
ދިވެހި ފަންނާނުންގެ މިޔުޒިކީ އީދު
ދިވެހި ފަންނާނުންގެ މިޔުޒިކީ އީދު ޖުލައި މަހުގެ 27 އަދި 28 ވަނަ ދުވަހުގެ ރޭ ކާނިވާ ސަރަހައްގުގައި ބޭއްވުމަށް ހަމަޖެހިއްޖެއެވެ.
ކާނިވާ ސަރަހައްދުގައި ބޭއްވުމަށް ހަމަޖެހިފައިވާ މި ޝޯ 27 ޖުލައި ވާ ހޮނިހިރު ދުވަހުގެ ރޭ 8:30 ފެށިގެން 12:00 އާއި ހަމައަށް ކުރިޔަށް ދާނެއެވެ. އަދި 28 ވަނަ ދުވަހުގެ ރޭ ވެސް 8:30 ފެށިގެން 12:00 އާއި ހަމައަށް އޮންނާނެއެވެ.
މި ޝޯގައި ބައިވެރިވާ ފަންނާނުންގެ ތެރޭގައި މޭނާ ހައްސާނު، ހަބޭސް ބޮޑުބެރު، ސިމްބޮލިކް ރެކޯޑްސް، ހައުސް އޮފް މިޔުޒިކް، ގްރެވިޓީ އަދި ޓްރެފިކް ޖޭމް ފެނިގެންދާނެއެވެ. އަދިވެސް މީގެ އިތުރުން މިޔުޒިކްގެ ދާއިރާގައި ކުރިއަރަމުން އަންނަ ގިނަ ފަންނާނުން ބައިވެރިވާނެއެވެ.
މިނިވަން ދުވަހާއި ދިމާކޮށް މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖް އަދި ނޭޝަނަލް ސެންޓަރ ފޯ ދަ އާރޓަސްއިން އިންތިޒާމްކުރާ އިވެންޓެކެވެ.
