ރ. އަތޮޅުގެ ފަސްމެންދޫގައި ތަރައްގީ ކުރާ އެމަރެލްޑް ރިސޯޓް އެންޑް ސްޕާ އޮގަސްޓް މަހުގެ އެއްވަނަ ދުވަހު ހުޅުވަން ތައްޔާރުވެއްޖެއެވެ.

މި ރިސޯޓުގައި 120 ވިލާ ހުންނައިރު އެއީ 60 ބީޗް ވިލާ އާއި 60 ވޯޓާ ވިލާއެވެ. ވޯޓާ އަދި ބީޗް ވިލާތަކުގެ ތެރޭގައި ޖަކޫޒީ ވިލާތަކާއި ޕޫލް ވިލާތަކާއި ސުޕީރިއާ އާއި ރޯޔަލް އަދި ޕްރެޒިޑެންޝިއަލް ވިލާތައް ހިމެނޭއިރު މިއީ އެކި ފަންތީގެ ފަތުރުވެރިންނަށް ހާއްސަ ކޮށްގެން ހަދާފައިވާ ވިލާތަކެކެވެ.

މި ރިސޯޓުގައި ޕިއްޒާ އާއި ޕާސްތާ ކަމުދާ މީހުންނަށް ހާއްސަ ބީޗް ކްލަބް ގްރިލް ރެސްޓޯރެންޓް އާއި އޭޝިއާގެ ތަފާތު ރަހަތަކަށް ހާއްސަ ލެ އޭޝިއާޓީކް ރެސްޓޯރެންޓާއި އެމެރިކާގެ ތަފާތު ކާނާތަކަށް ހާއްސަ އެމަޒޯނިކް ރެސްޓޯރެންޓް" ގެ އިތުރުން ބްރެކްފާސްޓް ބުފޭތަކަށް ސާރވް ކުރާ "އެކުއާ ރެސްޓޯރެންޓެއް ހުރެއެވެ.

މޫދު ކުޅިވަރުތަކަށް ހާއްސަ ކޮށްގެން ޑައިވިން ސެންޓަރަކާއި ވޯޓާ ސްޕޯޓްސް ސެންޓަރެއް އަދި ކުޑަކުދިންނަށް ޑޯލްފިން ކްލަބެއް ވެސް މި ރިސޯޓުގައި ވަނީ ގާއިމް ކޮށްފައެވެ. މީގެ އިތުރުން މި ރިސޯޓުގައި ސްޕާ އަކާއި ޖިމެއްގެ އިތުރުން ސްޕޯޓްސް ސެންޓަރެއް ވެސް ހުރެއެވެ.