އެމްއެންޑީއެފާއި ޖަޕާނުގެ ކަނޑުގެ ސިފައިން ގުޅިގެން ތަމްރީނު ހަރަކާތްތަކެއް ބާއްވައިފި

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އާއި، ޖަޕާނުގެ މެރިޓައިމް ސެލްފް ޑިފެންސް ފޯސްގެ ސިފައިން ގުޅިގެން ސާރޗް އެންޑް ރެސްކިއު ތަމްރީނުތަކެއް ފަށައިފިއެވެ.

ހޯމަ ދުވަހުގެ ހެނދުނު 11:00 ގައި ފެށި މި ތަމްރީނުތަކާ ގުޅޭގޮތުން އެމްއެންޑީއެފުން ބުނީ، ހުޅުމާލެ އިރުމަތީފަރާތު ކަނޑުގެ ސަރަހައްދުގައި ފެށި މި ހަރަކާތުގައި ޖަޕާނުގެ ނޭވީ ފްލައިޓެއްވެސް ހަރަކާތްތެރިވާނެ ކަމަށާއި، މި ހަރަކާތުގެ ދަށުން ކަނޑުމަތީގައި ދިމާވާ ހާދިސާތަކުގައި އަމަލުކުރާނެ ގޮތުގެ އަމަލީ ފަރިތަކުރުންތައް ކުރިއަށްދާނެ ކަމަށެވެ.

އޭގެ އިތުރުން، ކަނޑުވެފައިތިބޭ މީހުންނަށް އެހީތެރިކަން ފޯރުކޮށްދިނުމާ ގުޅޭގޮތުން އަމަލީ ގޮތުން ފަރިތަކުރުންތައް ބޭއްވުމަށްވެސް ވަނީ ހަމަޖެހިފައެވެ.

މި ތަމްރީނުތަކުގައި ކޯސްޓްގާރޑުގެ ބޯޓު "ޝަހީދު އަލީ"ވެސް ހަރަކާތްތެރި ވެފައިވާއިރު، މެންދުރު 13:00 ގައި ތަމްރީނުތަކުގެ އަމަލީ ފަރިތަކުރުންތައް ނިމިފައިވާ ކަމަށް އެމްއެންޑީއެފުން ބުނެއެވެ.