އަންހެން ޓޭބަލް ޓެނިސް ޓީމްގެ ކާމިޔާބީއަށް މަޖިލީހުން މަރްހަބާ ކިޔައިފި
ރާއްޖޭގެ ޓޭބަލް ޓެނިސް ޓީމު ވަނީ އައިއޯއައިޖީގައި ރަން މެޑަލް ކާމިޔާބު ކޮށްފައި
ރަފާ - ރާއްޖޭގެ ޓޭބަލް ޓެނިސް ޓީމު ވަނީ އައިއޯއައިޖީގައި ރަން މެޑަލް ކާމިޔާބު ކޮށްފައި
އަންހެން ޓޭބަލް ޓެނިސް ޓީމު އިންޑިއަން އޯޝަން އައިލެންޑް ގޭމްސް 2019 (އައިއޯއައިޖީ) ގައި ހޯދި ކާމިޔާބީއަށް ރައްޔިތުންގެ މަޖިލީހުގެ ފަރާތުން މަރްހަބާ ކިޔައިފިއެވެ.
ހޯމަ ދުވަހު އޮތް މަޖިލިސް ޖަލްސާގައި މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ އައިއޯއައިޖީގައި ރާއްޖޭގެ އަންހެން ބެޑްމިންޓަން ޓީމް ހޯދި ފަޚުރުވެރި ކާމިޔާބީއަށް ރައްޔިތުންގެ މަޖިލީހުގެ ފަރާތުން މަރްހަބާ ދަންނަވާ ކަމަށެވެ.
މޮރިޝަސްގައި މިހާރު ކުރިޔައްދާ އިންޑިއަން އޯޝަން އައިލޭންޑް ގޭމްސް 2019 ގައި ރާއްޖޭގެ ޓޭބަލް ޓެނިސް ޓީމު ރަން މެޑަލް ކާމިޔާބު ކޮށްފައެވެ. ރާއްޖެއިން މި މެޗުކާމިޔާބުކޮށްފައިވަނީ މުބާރާތް ބާއްވާ ގައުމު މޮރިޝަސް ބަލިކުރުމަށްފަހުއެވެ. މިއީ ރާއްޖޭގެ ޓީޓީ އަންހެން ޓީމު ހޯދި ފުރަތަމަ ރަން މެޑައްޔެވެ.
ރައީސުލް ޖުމްހޫރިއްޔާގެ ދެ ކަނބަލުންނާއި ޔޫތް މިނިސްޓަރ އަހްމަދު މަހްލޫފް އާއި ފޮރިން މިނިސްޓަރ އަބްދުﷲ ޝާހިދު ވަނީ މެޝް ބައްލަވާލައްވާފައެވެ. އަދި ދިވެހި ޓީމް ރަންމެޑެލް ހޯއްދެވުމާއެކު ރައީސުލް ޖުމްހޫރިއްޔާ ވަނީ އެކަމުގެ އުފާފާޅުކުރައްވާ އަންހެން ޓޭބަލް ޓެނިސް ހޯއްދެވި ކާމިޔާބީއަށް މަރްހަބާ ދަންނަވާފައެވެ.
