ޕާކިސްތާނުގެ ކުރީގެ ބޮޑުވަޒީރު ނަވާޒަށް ހުކުމްކުރި ފަނޑިޔާރު މަގާމުން ވަކިކޮށްފި

"ފިއްތުންތަކެއްގައި ހުންނަވައިގެމް" ޕާކިސްތާނުގެ ކުރީގެ ބޮޑުވަޒީރު ނަވާޒު ޝަރީފްގެ މައްޗަށް ކުށް ސާބިތުވާކަމަށް ނިންމަވައި ހުކުމް ކުރެއްވި ފަނޑިޔާރުމަގާމުން ދުރުކޮށްފައިވާކަމަށް އެ ގައުމުގެ ލޯ މިނިސްޓްރީން ބުނެފިއެވެ.

ނަވާޒް ޝަރީފްގެ މައްޗަށް ޑިސެމްބަރު މަހު ހަތް ހައަހަރުގެ ޖަލުހުޖުމެއް އިއްވެވި ފަނޑިޔާރު އަރުޝަދު މާލިކް މަގާމުގެ މަސްއޫލިއްޔަތުތަކުން ވަކިކޮށްފައިވާކަމަށް ލޯ މިނިސްޓަރ ފާރޫގް ނަސީމް އިއުލާނުކުރެއްވީ ހުކުރު ދުވަހުއެވެ.

ފަނޑިޔާރު ވަކިކޮށްފައި މިވަނީ އެ ހުކުމް ކުރެއްވީ މަޖުބޫރީ ހާލަތެއްގައި ކަމަށް، ސިއްރުން ނަގާފައިވާ ވީޑިއޯއެއްގައި ފަނޑިޔާރު އެއްބަސްވެ ވަޑައިގަންނަވާކަމަށް ނަވާޒް ޝަރީފްގެ ދަރިކަނބަލުން އަދި އިދިކޮޅުލީޑަރު މަރްޔަމް ނަވާޒް ވިދާޅުވެފައިވަނިކޮށެވެ.

މީގެ އިތުރުންވެސް ނަވާޒް ޝަރީފަށް ހުކުމް ކުރެއްވީ އެއްވެސް ހެއްކެއް އޮވެގެން ނޫންކަމަށް ފަނޑިޔާރު މާލިކް އަމިއްލަ ފުޅަށްވެސް އެއްބަސްވެވަޑައިގެންފައިވާކަމަށް މަރްޔަމް ވިދާޅުވިއެވެ.

އެ ވާހަކަ ފަނޑިޔާރު ދޮގުކުރައްވައެވެ.