މިނިސްޓަރ އޮފް އާޓްސް، ކަލްޗަރ އެންޑް ހެރިޓެޖް، ޔުމްނާ މައުމޫން، ހއ. އުތީމު ކައުންސިލާއި ބައްދަލުކުރައްވައިފިއެވެ.
މިނިސްޓަރ ޔުމްނާ ހުކުރު ދުވަހު އުތީމު ކައުންސިލުގެ އިސް ބޭފުޅުންނާއި ބައްދަލުކުރައްވާފައިވަނީ ހއ. އަށް ކުރައްވަމުންދާ ދަތުރުފުޅުގެ ތެރެއިންނެވެ.
އެގޮތުން، އުތީމު ކައުންސިލުގެ ބޭފުޅުން ވަނީ އެރަށުގެ މުހިއްމު ކަންކަމާ ބެހޭ ގޮތުން އެކަމަނާ އާއެކު މަޝްވަރާ ކުރައްވާފައެވެ.
މީގެ އިތުރުން، މި ދަތުރުފުޅުގައި މިނިސްޓަރ ޔުމްނާ ވަނީ އުތީމުގައި ހުންނަ ބޮޑުތަކުރުފާނުގެ ހަނދާނީ މަރުކަޒުގައި މަސައްކަތްކުރާ ފަރާތްތަކާވެސް ބައްދަލުކުރައްވާފައެވެ.
މިނިސްޓަރ ޔުމްނާ ހއ. އަށް ކުރައްވާ ދަތުރުފުޅުގައި އުތީމަށް ވަޑައިގެންނެވީ ބުރާސްފަތި ދުވަހުއެވެ.
