އުއްތަމަ ފަނޑިޔާރު ހިމެނޭ ގޮތަށް ސުޕްރީމް ކޯޓުގެ ތިން ފަނޑިޔާރެއްގެ މައްސަލަ ޖުޑިޝަލް ސާވިސް ކޮމިޝަން (ޖޭއެސްސީ) އިން ބެލުމަށް ނިންމައިފިއެވެ.

ޖޭއެސްސީން ބެލުމަށް ނިންމާފައިވަނީ އުއްތަމަފަނޑިޔާރު ޑޮކްޓަރ އަހުމަދު އަބްދުﷲ ދީދީގެ އިތުރުން، ސުޕްރީމް ކޯޓުގެ ފަނޑިޔާރު އާދަމް މުހައްމަދު އަބްދުﷲ އާއި ފަނޑިޔާރު އަބްދުﷲ އަރީފް އާ ބެހޭގޮތުން ހުށަހެޅިފައިވާ ޝަކުވާތަކުގެ މައްސަލަ ތަކެކެވެ.

ތިން ފަނޑިޔާރުންނާއި ބެހޭގޮތުން ދެ ޝަކުވާއެއް ކޮމިޝަނަށް ހުށަހެޅިފައިވެއެވެ. މައްސަލަ ތަހުގީގު ކުރުމަށް ތަހުގީގު ކޮމިޓީއެއް އެކުލަވާލާފައިވާއިރު، އެ ކޮމިޓީގައި ހަތް މެންބަރަކު ހިމެނިވަޑައިގަންނަވައެވެ.

ތަހުގީގު ކޮމިޓީގައި ހިމެނިވަޑައިގަންނަވަނީ ޖުޑިޝަލް ސާވިސް ކޮމިޝަނުގެ ނައިބު ރައީސް މަސްތޫރު ހުސްނީ އާއި ކޮމިޝަނުގެ މެންބަރު އަބްދުއްރައޫފު އިބްރާހިމްގެ އިތުރުން މެންބަރު މުހައްމަދު އީސާފުޅާއި އަލީ ޝަމީމް އަދި މެންބަރު އިބްރާހިމް ރިފްއަތުއެވެ.

ޖޭއެސްސީގެ މި ނިންމުމާ ގުޅިގެން މި ޝަކުވާ ތަހުގީގު ކުރުމުގެ މަސައްކަތް މިހާރު އެ ކޮމިޝަނުން ވަނީ ފަށާފައެވެ.