ހދ. ކުޅުދުއްފުށީ ޓާފް ދަނޑުގައި ރޯވި އަލިފާންގަނޑު އެމްއެންޑީއެފް އިން ނިއްވާލައިފިއެވެ.
އެމްއެންޑީއެފް އިން ބުނީ މި ހާދިސާގެ މައުލޫމާތު ލިބިފައިވަނީ އާދިއްތަ ދުވަހުގެ ރޭ 07:59 ހާއިރު ކަމަށާއި ކުޅުދުއްފުށީ ފަޔަރ ސްޓޭޝަނުގެ ސިފައިން އަލިފާންގަނޑު ނިއްވާލާފައިވަނީ 08:10 ހާއިރު ކަމަށެވެ.
މި ހާދިސާގައި ޓާފް ދަނޑަށް އެކިވަރުގެ ގެއްލުންތައް ލިބިފައިވާ ކަމަށް އެމްއެންޑީއެފް އިން ބުނެއެވެ.
މި ހާދިސާ ހިނގަން މެދުވެރިވި ސަބަބެއް އެމްއެންޑީއެފް އިން ހާމައެއް ނުކުރެއެވެ.
