ރައީސުލްޖުމްހޫރިޔާ އިބްރާހީމް މަހައްމަދު ސޯލިހުއާ އެމަނިކުފާނުގެ އަނބިކަނބަލުން ފަޒްނާ އަހުމަދު ސިންގަޕޫރަށް މިހާރު ކުރައްވަމުން ގެންދަވާ ފުރަމާނަ ދަތުރުފުޅުގައި ސިންގަޕޫރާއި ދިވެހިރާއްޖެއާ ދެމެދު މުހިންމު ދެ އެއްބަސްވުމެއްގައި ސޮއިކުރައްވައިފިއެވެ.

މި ދެ އެއްބަސްވުމުގައި ސޮއިކުރެއްވުމުގެ ރަސްމިއްޔާތު އޮތީ ސިންގަޕޫރުގެ ރައީސްގެ އޮފީހުގައެވެ.

ރައީސް އޮފީހުން ބުނީ ހޯމަ ދުވަހު ހެނދުނު ސޮއިކުރެއްވި މި ދެ އެއްބަސްވުމުގެ ތެރެއިން އެއް އެއްބަސްވުމަކީ ވައިގެ ދަތުރުފަތުރުގެ ދާއިރާއިން ދެ ގައުމުގެ ގުޅުން އިތުރަށް ބަދަހިކޮށް ތަރައްގީކުރުމުގެ އެއްބަސްވުމެއް ކަމަށެވެ. އަދި ދެ ވަނަ އެއްބަސްވުމަކީ ދެގައުމުގެ ފޮރިން މިނިސްޓްރީގެ މެދުގައި އިތުރަށް ގުޅުންބަދަހި ކުރެވޭނެ ފްރޭމްވޯކެއް ގާއިމުކުރުމުގެ އެއްބަސްވުމެއް ކަމަށެވެ.

ރައީސް ސޯލިހާއި، އެމަނިކުފާނުގެ އަނބިކަނބަލުން ފަޒްނާ ސިންގަޕޫރަށް ވަޑައިގެންނެވީ ޖޫން 29 ވަނަ ދުވަހުގެ ރޭގެ ވަގުތެއްގައެވެ.