ކ. މާލެ
|
28 ޖޫން 2019 | ހުކުރު 21:56
ގާނޫނީ ވަކީލުންތަކެއް ވަކީލު ކަމުގެ ހުވާ ކުރައްވަނީ
ގާނޫނީ ވަކީލުންތަކެއް ވަކީލު ކަމުގެ ހުވާ ކުރައްވަނީ
ބާ ކައުންސިލްގެ އިންތިހާބު
ބާ ކައުންސިލްގެ އިންތިހާބަށް އީސީން ތައްޔާރު، ތާރީހު މި ހަފްތާތެރޭ އިއުލާން ކުރަނީ
 
ފުރަތަމަ އިންތިހާބު ބާއްވަން ޖެހޭނީ އީސީން
 
ބިލް ތަސްދީގު ކޮށްފައިވަނީ ބުރާސްފަތި ދުވަހު

ދިވެހިރާއްޖޭގެ ގާނޫނީ ފަންނުގެ ބިލް ރައްޔިތުންގެ މަޖިލީހުން ފާސްކޮށް, ރައީސް ތަސްދީގު ކުރުމާއި ގުޅިގެން ބާ ކައުންސިލްގެ އެކްސެކްޓިވް ކޮމިޓީގެ އިންތިހާބު ބޭއްވުމަށް ވާންޖެހޭ ތައްޔާރީތައް އިލެކްޝަންސް ކޮމިޝަނުން ފަށައިފި އެވެ.

19 ވަނަ ރައްޔިތުންގެ މަޖިލީހުގެ 12 ވަނަ ޖަލްސާގައި ފާސްކޮށްފައިވާ ގާނޫނީ ފަންނުގެ ބިލް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ތަސްދީގު ކުރައްވައި ގެޒެޓް ކޮށްފައިވަނީ ބުރާސްފަތި ދުވަހުއެވެ. 18 ވަނަ މަޖިލީހުގައި ހުއްޓިފައި އޮތް އެ ބިލް މަޖިލީހަށް ހުށައެޅީ މާފަންނު އުތުރު ދާއިރާގެ މެމްބަރު އިމްރިޔާޒް ފަހުމީ (އިންތި) އެވެ.

އެ ގާނޫނު ގެޒެޓް ކުރުމާއި ގުޅިގެން ބުރާސްފަތި ދުވަހު އީސީން ކޮށްފައިވާ ޓްވީޓެއްގައި ބުނީ، ބާ ކައުންސިލްގެ އިންތިހާބު ބޭއްވުމަށް ވާންޖެހޭ ތައްޔާރީތައް ވަމުންދާ ކަމަށެވެ. އީސީގެ މެމްބަރު އަހުމަރު އަކްރަމް ރާއްޖެ.އެމްވީ އަށް ވިދާޅުވީ، އިންތިހާބު ބާއްވާ ތާރީހު މި ހަފަތް ތެރޭގައި އިއުލާން ކުރާނެ ކަމަށެވެ.

ގާނޫނީ ފަންނު ބިލުގެ އެގާރަ ވާނަ މާއްދާގެ (ށ) ގައި ބުނާ ގޮތުން ބާ ކައުންސިލުގެ އެގްޒެކެޓިވް ކޮމިޓީއަށް އިންތިޚާބުކުރެވޭ ރައީސާއި، ނައިބު ރައީސާއި، ޤާނޫނީ ވަކީލުން އިންތިޚާބުކުރުމަށް ބާއްވާ ފުރަތަމަ އިންތިޚާބު ބާއްވަން ޖެހޭނީ އިލެކްޝަންސް ކޮމިޝަނުން ކަނޑައަޅާ އުޞޫލަކުން، އެ ކޮމިޝަނުގެ ފަރާތުންނެވެ.

ފުރަތަމަ އިންތިހާބު އެ ގާނޫނަށް އަމަލުކުރާތާ 21 ދުވަސް ތެރޭ ބާއްވަން ޖެހެއެވެ. ބާ ކައުންސިލްގެ ގާނޫނު ތަސްދީގު ކުރުމާއި އެކު ގާނޫނީ ވަކީލެެއްގެ ހައިސިއްޔަތުން ޖޭއެސްސީގައި ހިމެނވަޑައިގަންނަވާ ލަތީފާ ގާސިމްގެ މަގާމު ވަނީ ގެއްލިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
33%
0%
0%
0%
0%
67%
ކޮމެންޓް