ކޯޓު ތަކުގައި ހުރި މައްސަލަތައް ލަސްވާ ސަބަބު ބަލަނީ

ރާއްޖޭގެ ޝަރުއީ ކޯޓުތަކުގައި ހިނގަމުންދާ މައްސަލަތައް ނުނިމި އާދަޔާ ހިލާފަށް ދިގުލައިގެންދާ މައްސަލަ ބަލަން ޖުޑީޝަލް ސަރވިސް ކޮމިޝަން ( ޖޭއެސްސީ) އިން ނިންމައިފިއެވެ.

ބުދަ ދުވަހު ޖޭއެސްސީން ބޭއްވި ނޫސްވެރިންގެ ބައްދަލުވުމުގައި ޑިރެކްޓަރު ހަސަން ޒަހީން ވިދާޅުވީ، ކޯޓުތަކުގައި ހިނގަމުންދާ މައްސަލަތައް އާދަޔާ ހިލާފަށް ލަސްވާ ކަމުގެ ޝަކުވާ ކޮމިޝަނަށް ލިބެމުންދާ ކަމަށެވެ.

އެ މަސައްކަތް އެންމެ ފުރަތަމަ ފެށުމަށް ނިންމާފައިވަނީ ކްރިމިނަލް ކޯޓުންނެވެ. އެކަމަށް ތިން މެމްބަރުންގެ ކޮމިޓީއެއް ވަނީ އެކުލަވައިލާފައެވެ.

އެ ކޮމިޓީގައި ހިމެނިވަޑައިގަންނަވާ މެމްބަރުންނަކީ ކޮމިޝަންގެ މެމްބަރު އަބްދުއްރައޫފް އިބްރާހިމް އާއި ރައީސުލްޖުމްހޫރިއްޔާގެ އައްޔަން ކޮށްފައިވާ މެމްބަރު ގެ މަސްތޫރު ހުސްނީގެ އިތުރުން ރައްޔިތުންގެ މަޖިލީހުން އައްޔަން ކޮށްފައިވާ މެމްބަރު ހިސާން ހުސައިންއެވެ.