ކްރިމިނަލް ކޯޓަށް ދެ ގާޒީއަކު އިތުރުކުރަން ޖޭއެސްސީން ނިންމައިފި
ކްރިމިނަލް ކޯޓުގައި މިހާރު ތިއްބަވަނީ 10 ގާޒިން
އަލީ ސަމާޚް | 26 ޖޫން 2019 | ބުދަ 13:34
ޝަރިޔަތުގެ މާލަން
ކްރިމިނަލް ކޯޓަށް ދެ ގާޒީއަކުގެ މަގާމު އިތުރުކުރަން ޖުޑީޝަލް ސަރިވިސް އިން ނިންމައިފިއެވެ.
ޖޭއެސްސީން ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ޖޭއެސްސީގެ ޑިރެކްޓަރު ހަސަން ޒަހީން ވިދާޅުވީ، ކްރިމިނަލް ކޯޓުގައި ދެ ގާޒީއެއްގެ މަގާމު އުފައްދައި ދިނުމަށް ސުޕްރީމް ކޯޓުން އެ ކޮމިޝަނުގައި އެދިފައިވާ ކަމަށެވެ.
އެގޮތުން އެ މަގާމު އުފެއްދުމަށް ބުދަ ދުވަހު ބޭއްވި ކޮމިޝަންގެ 39 ވަނަ ބައްދަލުވުމުގައި ނިންމާފައިވާ ކަމަށް ވިދާޅުވިއެވެ.
އެ ދެ މަގާމަށް ފަނޑިޔާރުން ހޯދުމަށް ބުރާސްފަތި ދުވަހު އިއުލާން ކުރާނެއެވެ. މުއްދަތު ހަމަވާނީ ޖުލައި މަހުގެ 11 ވަނަ ދުވަހުއެވެ.
ކްރިމިނަލް ކޯޓުގައި ދެ ގާޒީއަކު އިތުރުކުރަން ނިންމާފައިވާއިރު 10 ގާޒީއަކު ތިއްބަވައެވެ.
