ސްޕެއިންގެ މަޝްހޫރު މިޑްފިލްޑަރ ޑޭވިޑް ސިލްވާ މި އަންނަ ސީޒަނަށްފަހު މެންޗިސްޓާރ ސިޓީ ދޫކޮށްލާނެކަން ހާމަކޮށްފިއެވެ.
ޑެއިލީ މެއިލްއަށް ދިން ބަސްދީގަތުމެއްގައި ސިލްވާ ބުނީ ދެން އަންނަ ސީޒަނަކީ އޭނާގެ އެންމެފަހު އަހަރުކަމަށާއި އޭނާ ބޭނުންވަނީ ސިޓީގައި ދިހަ އަހަރު ހޭދަ ކުރުމަށްކަމަށެވެ.
މީގެ އިތުރުން އޭނާ ބުނީ ކުލަބުން ބޭނުންވީ އިތުރު ދެ އަހަރު ކުލަބުގައި މަޑު ކުރުމަށް ކަމަށާއި ނަމަވެސް އޭނާ ބޭނުންވަނީ އަންނަ ސީޒަނަށް ފަހު ސިޓީ ދޫކޮށްލުމަށް ކަމަށެވެ. 34 އަހަރުގެ މިޑްފިލްޑަރ އިތުރަށް ބުނީ މިވަގުތު އޭނާ ބޭނުންވަނީ އާއިލާއާއި އެކު ގިނަ ވަގުތު ހޭދަކުރަން ކަމަށެވެ.
ސްޕެއިންގެ ވެލެންސިޔާއިން 2010 ވަނަ އަހަރު ސިޓީއަށް ބަދަލުވި މިޑްފިލްޑަރ ވަނީ ސިޓީގައި ގިނަ ކާމިޔާބީ ތަކެއް ހޯދައިފައެވެ. އެގޮތުން ހަތަރު ލީގު ތަށި އަދި ދެ އެފްއޭ ކަޕް ވަނީ ބާއްވައިފައެވެ.
ސިލްވާ ވަނީ ސިޓީއަށް 395 މެޗު ކުޅެދީ އެ ޓީމަށް 70 ލަނޑު ޖަހައިދީފައެވެ. ހަމައެހެންމެ އޭނާ ވަނީ އެ ޓީމާއެކު ހަތަރު ޕްރިމިއާ ލީގާއި، ދެ އެފްއޭ ކަޕްއެއްގެ އިތުރުން ހަތަރު ފަހަރެއްގެ އިނގިރޭސި ލީގު ކަޕް ކާމިޔާބު ކޮށްފައެވެ.
އުމުރުން 16 އަހަރުން ފެށިގެން ސްޕެއިންގެ ގައުމީ ޓީމުތަކަށް ކުޅެމުން އަންނަ ސިލްވާ ވަނީ ސްޕެއިންގެ ސީނިއާ ޓީމަށް ކުޅުނު 125 މެޗުގައި 35 ލަނޑު ކާމިޔާބުކޮށްފައެވެ. އޭނާ ވަނީ ސްޕެއިން ގައުމީ ޓީމާއެކު ފީފާ ވޯލްޑް ކަޕް އެއްފަހަރު، ޔުއެފާ ޔޫރޯ ދެފަހަރު، ފިފާ ކޮންފެޑެރޭޝަންސް ކަޕްގެ ދެވަނަ އަދި ތިންވަނަ ހޯދާފައެވެ.
