ފަނޑިޔާރު ދީދީގެ ތަހުގީގު ފަށައިފި
20 ޖޫން 2019 | ބުރާސްފަތި 05:16މައްސަލަ ކުރިޔަށް ގެންދަނީ އާއްމުންނަށް ހުޅުވާލައިގެން
ފަނޑިޔާރު އަބްދުﷲ ދީދީ އާއި ވަކީލުން ދަރުބާރުގޭގައި
ޖުޑީޝަލް ސަރވިސް ކޮމިޝަން (ޖޭއެސްސީ) ބަލަމުންދާ މައްސަލައަކާ ގުޅިގެން ސުޕްރީމް ކޯޓުގެ ފަނޑިޔާރު އަބްދުﷲ ދީދީގެ ތަހުގީގު ފަށައިފިއެވެ.
ތަހުގީގު ފަށާފައި ވަނީ 10:12 ގައެެވެ. ދީދީ ތަހުގީގަށް ވަޑައިގެންނެވީ އޭނާގެ ވަކީލުންނާ އެކުގައެވެ. އޭގެ ތެރޭގައި ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު ވެސް ހިމެނިވަޑައިގަންނަވައެވެ.
މި ބައްދަލުވުގައި ކުރީގެ އަދި މަޖިލީހުގެ ރައީސްގެ ހައިސިއްޔަތުން ޖޭއެސްސީގައި އިންނަވާ ރައީސް މުހައްމަދު ނަޝީދު ބައިވެރިވަޑައެއް ނުގަންނަވައެވެ.
އާއްމުންނަށް ހުޅުވާލައިގެން ކުރިޔަށް ޖޭއެސްސީން ބަލަމުން ގެންދަނީ ދީދީއާ ބެހޭ ގޮތުން ހުށައެޅިފައިވާ ސުލޫކީ ދެ މައްސަލައެެކެވެ.
ދަރުބާރުގެ ރަންނަނަ ބަނޑޭރި މާލަމަށް އާއްމުންނަށް ވަނުމުގެ ފުރުސަތު ހުޅުވާލުމުން ގިނަ ބަޔަކު ވަނީ އަޑު އެހުމަށް ވަދެފައެވެ. ޖޭއެސްސީން ދަނީ ދިދީއާ ގުޅުން ހުރި ފަސް މައްސަލައެއް ބަަލަމުންނެވެ.
